تنظیمات
تنظیمات (تورک. Tanzimat — "تنظیم‌له‌مه " ، "یولونا قویما" ) — ایلک عثمانلی آنایاساسی‌نین قبول ائدیلدیگی 1876-جی ایلله قدر، 1839-جو ایلدن عثمانلی ایمپرتورلوغوندا مودرن‌لشمه ایصلاحات‌لاری‌نین ادبیاتدا قبول ائدیلمیش آدی (و اونلارین حیاتا کئچیریلمه‌سی دؤورو) [۱]. ایصلاحات‌لارین تمل پرینسیپ‌لری تاختا چیخدیقدان سونرا سلطان عبدالمجید طرفیندن 1839-جو ایل نووامبرین 3-ده نشر اولونان " گولخانه خط-ی شریف " ده تثبیت ائدیلمیشدیر. اوّلکی ایصلاحات‌لاردان فرقلی اولاراق تنظیماتدا اساس یئری حربی دئییل، سوسیال-ایقتیصادی دییشیک‌لیک‌لر توتوردو. ایصلاحات تشبوثو، "گولخانه خط-ی شریفین" مؤلیفی اولان مصطفی رشید پاشا رهبرلیگی ایله موترقی بیر بوروکراسی قروپونا عایید ایدی. او، بیر نئچه ایل اینگیلیس و فرانسه‌ده سفیر، سونرا ایسه خاریجی ایشلر وزیری پوستونو توتموشدور. اونون رهبرلیگی ایله مرکزی حاکیمیتی گوجلندیرمک، بالکان‌لاردا آزادلیق حرکاتی‌نین قارشیسینی آلماق و مؤوجود سیستمی غربی اوروپا حیاتی‌نین نورمالارینا اویغونلاشدیراراق اؤلکه‌نین اوروپا گوجلریندن آسیلی‌لیغینی ضعیف‌لتمک اوچون یئنی ایصلاحات‌لار پلانی حاضیرلانمیشدیر[۲].