جعفر سبحانی
 |
آیت‌الله شیخ جعفر سبحانی، آیت الله العظمی سبحانی خیابانی تبریزی-ه آدلیملانمیش (۱۳۰۸ گونش ایلی‌نین فروردینین ۲۰ سی تبریزده) متکلم، فقیه، اصولچو، مفسر، شیعی مجتهد و تقلید مرجع‌لریندن و قومون علمیه حوزه‌سی‌نین اوستادلاریندان‌دیر.
تحصیل
[دَییشدیر]ایلک (ابتدایی) تحصیللری قورتاراندان سونرا میرزه محمود فاضلین مکتبخاناسیندا فارسجا ادبیاتی‌نی اؤیرنمه‌یه باشلادی و گولوستان، بوستان، تاریخ معجم، نصاب الصبیان، ابواب الجنان و ... کیتابلارینی اؤیرندی. سونرا ۱۴ یاشیندایکن تبریزین طالبیّه علمیه مدرسه‌سینه آد یازدیریب و حوزه‌نین مقدمات و سطح‌لر علملری‌نی اؤیرنمگه باشلادی. عربجه ادبیاتی‌نی حسن نحوی و علی‌اکبر نحوی‌نین اوستادلیغی ایله و مطول-ین بیر بؤلومون و منظومه منطقی و لمعه شرحی‌نی محمدعلی مدرس خیابانینین اوستادلیغی ایله اؤیرندی.
۱۳۲۵-ین مهر آییندا قوما گئدیب و سطح‌لر علملری‌نی تکمیل ائتمه‌یه چالیشدی. فرائد الاصول-ون قالانینی میرزه محمد مجاهدی تبریزی و میرزه احمد کافی‌نین یانیندا اؤیرندی و کفایة الاصول-و دا محمدرضا گلپایگانی‌نین یانیندا اؤیرندی.