دالغا بویو

بیر سینوس دالغاسی. λ دالغانین هر ایکی دال-دالا ائشیت نوقطه‌لرینین آراسینداکی فاصیله‌ ایله اؤلچولر.

دالغا بوْیو بیر دالغانین سیرالی (دال-دالا) ایکی تپه‌ یا ایکی چۇخور یا هر هانکی ایکی ائشیت فازدا اوْلان نوقطه‌لر آراسینداکی فاصیله دیر.^[۱] دالغا بوْیو لاندا (λ) حرفی ایله سیمگه‌لنیر و فرکانس ایله ترس مۆتناسیب‌دیر. دالغا بوْیو چوْخالدیقجا، دالغانین فرکانسی آزالار و دالغا بوْیو آزالدیقجا دالغانین فرکانسی چوْخالار. ایکی دالغانین یئیینلیگی (سۆرعتی) بیر اوْلورسا، آشاغی فرکانسی اوْلان دالغا، یوخاری دالغا بوْیونا و یوخاری فرکانسی اوْلان دالغا ایسه آشاغی دالغا بوْیونا صاحیب اولار.^[۲] دالغا بوْیونون میلتلر آراسی بیریملر سیستمینده (SI) اؤلچمه بیریمی (واحیدی) متر دیر.^[۳]

گؤرۆشن ایشیق

اۆچ‌بوجاقلی منشور ایله سپه‌لنمیش ایشیق ساچلاری (شوعالاری).

ایشیق یا گوروشن ایشیقدا، ایشیق بوْیاسی (رنگی) دالغا بوْیونا باغلیدیر.

فورمول

• دالغا بوْیو-فرکانس ایلیشگی‌سی (رابیطه‌سی):
  • ${\displaystyle f={\frac {v}{\lambda }}}$

بو فورمولدا ${\displaystyle f}$ فرکانس، ${\displaystyle {v}}$ دالغا سۆرعتی و ${\displaystyle {\lambda }}$ ایسه دالغا بوْیونو سیمگه‌له‌ییر.

• هر بیر دالغادا، دالغا بویو ایله فرکانس‌ین چارپیم (ضرب) سونوجو، ثابیت و دییشیلمز بیر عدد دیر. بو عدد "ایشیغین خلأده‌کی سۆرعتی" آدلانیر.
  • ${\displaystyle c=\lambda f}$

بو فورمولدا ${\displaystyle c}$ ایشیق سۆرعتی، ${\displaystyle f}$ فرکانس و ${\displaystyle {\lambda }}$ ایسه دالغا بوْیونو سیمگه‌له‌ییر.

بیرده باخین

• الکترومغناطیس دالغاسی‌
• سینوس دالغاسی
• فرکانس

قایناق

1. Raymond A. Serway; John W. Jewett. Principles of physics (4th ed.) Cengage Learning, 2006. pp. 404, 440. ISBN 0-534-49143-X
2. Theo Koupelis and Karl F. Kuhn. In Quest of the Universe. Jones & Bartlett Publishers, 2007. ISBN 0-7637-4387-9
3. La Métrologie Française: The Units of measurement. آرشیولنیب اصلی نۆسخه‌دن on 2018-09-25. یوْخلانیلیب2018-09-29.