سکبان
سکبان، یئنی‌چئری اوْجاغی‌نین آلتمیش بئشینجی اوْرتاسی منسوبلارینا وئریلن عثمانلی بیرلیگی آدی دیر.[۱]
سکبان تشکیلاتی، بیرینجی مراد زامانیندا سولطانین آو ایشلریندن سوْروملو بیر بیرلیک ایدی. فاتیح سولطان محمد زامانینا قدر باغیمسیز بیر تشکیلات اوْلان سکبان اوْجاغی، ۱۴۵۱ تاریخینده، یئنی‌چئریلرین عۆصیان ائتمه‌لری اۆزرینه ایطاعتسیزلیگین قاباغی‌نی آلماق اۆچون سولطانین امری ایله یئنی‌چری اوْجاغینا داخیل اوْلدو. اوْ زامان سایی‌لاری، آلتی-یئددی مین جیواریندا اوْلان سکبان‌لارین ۵۰۰-و ایسه آو خیدمتلری اۆچون آیریلمیشدیر.[۲]
یاووز سولطان سلیم دؤنمینده بۆتون سکبان‌لار، بیر اوْرتا حالینا گتیریله‌رک، یئنی‌چئری اوْجاغی‌نین آلتمیش بئشینجی اوْرتاسی‌نی تشکیل وئریرلردی. پیاده و سوواری سکبان‌لار، سولطانلا برابر آوا گئدرلردی، آو کؤپکلری یئتیشدیریرلر و ساواش زامانیندا، دیگر یئنی‌چئریلر ایله بیرلیکده ساواشا گئدرلردی. سکبان‌لار، سیلاح اوْلاراق قیلینج ایستیفاده ائدرلردی. زامانلا اوْردو مودرنلشدیکجه توفنگ دن ایستیفاده ائتدیلر کی سوْنراکی ایللرده توفنگچی اوْلاراق دا آدلاندیردیلار. سکبان‌لارین باشیندا سکبان‌باشی اوْلوردو. سکبان‌باشی، یئنی‌چئری آغاسی ایستانبولدا اوْلمادیغی زامان اوْنا وکالت ائدر، شهرین امنیتیندن اوْ سوْرولو اوْلوردو. ۱۵۹۰-جی ایلدن سوْنرا، وزیر و بیگلربیگی‌لره سکبان‌لاردان بیر میقدار موحافیظ وئریلدی. سکبانلیق دا، ۱۸۲۶-جی ایلده یئنی‌چئری اوْجاغی ایله برابر لغو ائدیلدی.[۳]
آیریجا باخ
[دَییشدیر]قایناقلار
[دَییشدیر]- ^ Halil İnalcık; Donald Quataert (1997-04-28). An Economic and Social History of the Ottoman Empire. Cambridge University Press. p. 419. ISBN 978-0-521-57455-6. 2013-06-07-ده یوخلانیب.
- ^ Sam White (2011-08-15). The Climate of Rebellion in the Early Modern Ottoman Empire. Cambridge University Press. p. 170. ISBN 978-1-139-49949-1. 2013-06-07-ده یوخلانیب.
- ^ V. J. Parry (1976). A History of the Ottoman Empire to 1730. CUP Archive. p. 141. 2013-06-07-ده یوخلانیب.