شؤوکت علی‌اکبرووا

شؤوکت علی‌اکبروْوا
دوْغوم آدیشؤوکت فئیض‌الله قیزی علی‌اکبروْوا
دوْغوم۲۰ اکتبر ۱۹۲۲
باکی، آذربایجان شوروی سوْسیالیست جومهوریتی
کؤکآذربایجان جومهوریتی آذربایجان جومهوریتی
اؤلوم۷ فوریه ۱۹۹۳ (۷۰ یاش)
باکی، آذربایجان جومهوریتی آذربایجان جومهوریتی
ژانرلارموغام، کلاسیک موسیقی
پئشه(لر)مۆغنی
ساز(لار)اوْخوماق، قاوال
چالیشما ایللری۱۹۳۷–۱۹۹۳
علاقه‌لرسارا قدیم‌اوْوا, خان شوشینسکی

شؤوکت فئیض‌الله قیزی علی‌اکبروْوا (۲۰ اوْکتوْبر ۱۹۲۲ – ۷ فوریه ۱۹۹۳) - اوْخویان (مۆغنی)، آذربایجان خالق آرتیستی.

یاشاییشی

[دَییشدیر]

شؤوکت علی‌اکبروْوا ۱۹۲۲-جی ایل اوْکتوْبر آیینین ۲۰-سینده باکی‌دا دوغدو. آصف زئیناللی موسیقی مکتبینده حسین‌قولو سارابسکی‌‍‌نین صینفینی بیتیردیکدن سوْنرا صحنه یارادیجیلیغینا باشلامیشدیر.

۱۹۴۵-۱۹۳۸-جی ایللرده آذربایجان دؤولت ماهنی و رقص آنسامبلی‌نین سوْلیستی اوْلموشدور. ۱۹۴۵-جی ایلدن باشلایاراق، آذربایجان دؤولت فیلارموْنیاسی‌نین سوْلیستی اوْلاراق ایشله‌میشدیر.

۱۹۳۷-جی ایلده قاتیلدیغی بیر یاریشمادا فینالیست اوْلاراق اؤز ایفاسی ایله عۆزئییر حاجی‌بَی‌اوْو،سعید رۆستموْو و بۆلبۆل کیمی صنعتکارلارین دیقّتینی چکمیشدیر. اوْپئراتئاترینین قورتولوشوندا کئچیریلن سوْن کوْنسئرت‌ده، شؤوکت علی‌اکبروْوا «قاراباغ شیکسته‌سی»نی اوْخوموش و فاطما مهر‌علی‌یئوا و گۆل‌آغا ممدوْو‌لا بیرلیکده ایلک اۆچلۆکده یئر آلمیشدیر. ۱۹۴۵-جی ایلدن فیلارموْنیانین سوْلیستی کیمی ایشه باشلایان شؤوکت، ایفاسیندا سسلَنن خالق ماهنیلاری، موغاملار و بسته‌کار ماهنیلاری آذربایجاندا چوْخ بؤیۆک مشهورلوق قازانمیشدیر.

شوروینین بیر چوْخ شهرلرینده، فرانسه، سوئد، سری لانکا، افغانیستان، هیندوستان، مصر، الجزائر، ایران، تۆرکیه، لهیستان و باشقا خاریجی اؤلکه‌لرده اوغورلا چیخیش ائدن شؤوکت علی‌اکبروْوانین رپرتواریندا (اوْخوماق لیستینده) سئگاه، قاطار و شاهناز کیمی موغاملار، آذربایجان بسته‌کارلارینین و اوْرتادوغو خالقلاری‌نین ماهنیلاری یئر توتوردو.[۱]

اوْخودوغو ماهنیلار

[دَییشدیر]
  • آخشام
  • آیریلیق
  • گل سحریم
  • بیر کؤنۆل سیندیرمیشام
  • دره‌لر
  • سن منیم، من سنین
  • سنسن اۆرَگیم
  • تئز گل

فیلموْقرافی

[دَییشدیر]

ایشتیراک ائتدیگی فیلملر

  1. دوْغما خالقیما (فلیم، ۱۹۵۴)
  2. پاییز کوْنسئرتی (فیلم، ۱۹۶۲)
  3. اوْخویور شؤوکت علی‌اکبروْوا (فیلم، ۱۹۷۰)
  4. آذربایجان ائل‌لری (فیلم، ۱۹۷۶)
  5. سَس (فیلم، ۱۹۸۸)


ماهنی ایفا ائتدیگی فیلم‌لر

  1. گؤرۆش (فیلم، ۱۹۵۵)
  2. ماهنی بئله یارانیر (فیلم، ۱۹۵۷)
  3. قیزمار گۆنش آلتیندا (فیلم، ۱۹۵۸)
  4. کؤلگه‌لر سۆرۆنۆر (فیلم، ۱۹۵۸)
  5. اؤگئی آنا (فیلم، ۱۹۵۸)
  6. اوْنو باغیشلاماق اوْلارمی؟ (فیلم، ۱۹۵۹)
  7. آی‌گۆن (فیلم، ۱۹۶۰)
  8. کوْراوْغلو (فیلم، ۱۹۶۰)
  9. ایگیرمی‌آلتیلار (فیلم، ۱۹۶۶)
  10. مۆجرۆ (فیلم، ۱۹۷۳)


ایفاسیندان قوللانیلان فیلم‌لر

  1. شَکی (فیلم، ۱۹۷۷)
  2. دیمیتروْو کۆچه‌سی ۸۶ (فیلم، ۲۰۱۵)

قایناق

[دَییشدیر]
  1. ^ [۱] Şövkət Ələkbərova آذربایجان تۆرکجه‌سی لاتین ویکی‌پدیاسی


ائشیک باغلانتیلار

[دَییشدیر]