صابر رستم خانلی
صابر رستم خانلی | |
|---|---|
 | |
| شخصی بیلگیلر | |
| دوغوم | صابر خودو اوغلو رستمخانلی ۲۰ مهٔ ۱۹۴۶ یاردیملی رایونو, آذربایجان شوروی سوسیالیست جومهوریتی, شوروی |
| وطنداشلیق |  آذربایجان جومهوریتی |
| میلیت | آذربایجان تورکو |
| سیاسی حزبی | وطنداش همرأی‌لیگی پارتیاسی |
| اوشاقلاری | 3 |
| والئدینی | خوُدوُ |
صابر خوُدوُ اوغلو رستمخانلی(20 مه 1946، هامارکند، یاردیملی رایونو) — آذربایجان جومهوریتی‌نین خالق شاعیری، " ایستیقلالچی " وکیل، وطنداش همرأی‌لیگی پارتیاسی نین صدری،آذربایجان میلی مجلیسی‌نین وکیلی.
یاشاییشی
[دَییشدیر]صابررستم‌خانلی1946-جی ایل مه آیی‌نین 20-ده یاردیملی‌نین هامارکند کندینده آنادان اولوب.
1963-جو ایلده یاردیملی قصبه اون‌بیرایل‌لیک مکتبینی بیتیریب. آذربایجان دؤولت بیلیم‌یوردونون فیلولوژی فاکولته‌سینه داخیل اولموش، 1968-جی ایلده اورانی فرقلنمه دیپلومو ایله بیتیرمیشدیر.
امک فعالیتینه اؤیرنجی‌لیک ایللریندن باشلامیش، 1967-جی ایلده آذربایجان یازیچی‌لار ایتیفاقی نین اورقانی اولان " ادبیات و اینجه صنعت " قزئتینده ایشه قبول ائدیلمیشدیر.1974–1975-جی ایللرده اوردو سیرالاریندا خیدمت ائتمیشدیر.
بو سیرادا علمی ایشله ده مشغول اولموش، آذربایجان میلّی علم‌لر آکادمی‌سی نیظامی آدینا ادبیات اینستیتوتونون آسپیرانتوراسینی بیتیرمیشدیر. ص.رستمخانلی 1976-جی ایلده " ملا نصرالدین " و فولکلور " مؤوضوسوندا تِزینی مودافیعه ائده رک فیلولوژی علم‌لری آدایی علمی درجه سینه یییه‌لنمیشدیر.
1978-جی ایلدن " یازیچی " نشریاتیندا شؤعبه مودیری، باش رداکتورون موعاوینی، باش رداکتور، 1989–1991-جی ایللرده " آذربایجان " قزئتی نین باش رداکتورو اولوب. 1991-جی ایلدن آذربایجان جومهوریتی‌نین دؤولت مطبوعات کومیته‌سی نین صدری، 1992–1995-جی ایللرده مطبوعات و اینفورماسیا ناظیری وظیفه لرینده چالیشیب. 1992-جی ایلدن یاراتدیغی وطنداش همرأی‌لیگی پارتیاسی نین صدری دیر.
صابر رستمخانلی1990-جی ایلدن 2015-جی ایلین 24 نوامبرینادک میلی مجلیسین وکیلی اولوب.9 فوریه 2020-جی ایلده میللی مجلیسه یئنیدن وکیل سئچیلدی.
یارادیجی‌لیغی
[دَییشدیر]ائرکن یاشلاریندان مشغول اولدوغو ادبی فعالیت 1967-جی ایلدن اونون اساس پئشه‌سینه چئوریلمیشدیر. 1967–1978-جی ایللر عرضینده " ادبیات و اینجه صنعت " قزئتینده خوصوصی موخبیر و شؤعبه مودیری، 1978–1989-جو ایللر آراسیندا ایسه " یازیچی " نشریاتی نین باش رداکتورو اولموش، یوزلرله علمی، ادبی-تنقیدی، پوبلیسیستیک یازی چاپ ائتدیرمیشدیر. ایلک کیتابی 1970-جی ایلده نشر ائدیلمیشدیر. او واختدان بری آذربایجاندا، تورکیه‌ده، روسیه‌ده، سوئدده 20-دن آرتیق شعر، نثر، پوبلیسیستیکا کیتابلاری نشر ائدیلمیشدیر. کیتابلاری آذربایجانین یوکسک ادبی اؤدول‌لرینه لاییق گؤرولموش، اونون آدینی بوتون تورک دونیاسیندا و اسکی شوروی‌ده تانیتدیرمیشدیر. " عؤمور کیتابی " آدلی اثری آذربایجاندا خالقین میلّی و یوردسئورلیک دویغولاری‌نین اویانماسیندا جیدی رول اوینامیش و 1988-جی ایل میللی آزادلیق حرکاتی نین معنوی تمللریندن بیری اولموشدور. " تانیماق ایسته‌سن " ، " خبر گؤزله ییرم " ، " گنجه قاپیسی " ، " ساغ اول، آنا دیلیم! " ، " قان یادداشی " ، " زامان مندن کئچیر " و سایر کیمی شعر کیتابلاری نین، " بوتؤولوک " ، " دیدرگین لر " ، " جاواد خان " ، " اورخونلا گؤروش " پوئمالارین، " بو سنین خالقین دیر " پوبلیسیستیک یازیلاریندان عیبارت اثرین، " آتامین روحو " ، " ختایی یوردو " ، " گؤی تانری " ، " اؤلوم زیروه سی (جاواد خان) " ، " دیفاعی فدایی‌لری " ، " سوُنامی " رومان‌لاری نین مؤلیفی‌دیر. اثرلری بیر چوخ دونیا خالق لاری نین دیللرینه ترجومه اولونوب. 2005-جی ایلده خالق شاعیری فخری آدینا لاییق گؤرولموشدور.
چالیشمالاری
[دَییشدیر]ایجتیماعی-سیاسی فعالیتی
[دَییشدیر]- 1989-جو ایلده آذربایجاندا ایلک موستقیل، دموکراتیک قزئت اولان " آذربایجان " ای تأسیس ائتمیش، ایکی ایل اونون باش رداکتورو اولموشدور.
- 1990-جی ایلده آذربایجان خالق جبهه‌سیندن پارلمانا وکیل سئچیلمیش، دموکراتیک وکیل فراکسیونونون همصدری، قاچقین‌لارلا ایش کومسیونون صدری اولموشدور.
- 26 نووامبر 1991-جی ایلده تشکیل ائدیلن آذربایجان جومهوریتی عالی سووتی میلی شوراسی نین ترکیبینه داخیل ائدیلمیشدیر[۱].
- 1991–1995-جی ایللرده مطبوعات و اینفورماسیا ناظیری وظیفه‌سینی ایجرا ائتمیشدیر.
- 1992-جی ایلده بیر قروپ ضیالی ایله وطنداش همرأی‌لیگی پارتیاسینی تأسیس ائتمیشدیر، بو گونه قدر پارتیانین صدری‌دیر.
- 1995-جی ایلده مطبوعات و اینفورماسیا ناظیری وظیفه‌سیندن ایستعفا وئرمیشدیر.
- 23 مه 1996-جی ایلده آذربایجان جومهوریتی پرزیدنتی نین فرمانییلا " شؤهرت " اوردنی ایله تلطیف ائدیلمیشدیر.[۲]
- 2003-جو ایلده وطنداش همرأی‌لیگی پارتیاسی طرفیندن آذربایجان جومهوریتی‌نین پرزیدنت‌لیگینه آدایلیغی ایره لی سورولموشدور.
- 2005 و 2010-جو ایللرده میلی مجلیسه کئچیریلن سئچکی‌لرده 72 سایلی یاردیملی-ماساللی دایره سیندن وکیل اولموشدور.
دیاسپور فعالیتی
[دَییشدیر]س.رستمخانلی آذربایجانین ان بؤیوک دیاسپورا تشکیلات اولان دونیا آذربایجانلی‌لاری کونقره‌سی نین عوضوودور. موختلیف واخت‌لاردا کونقره‌نین مجلیس صدری، ایداره هئیتی‌نین عوضوو و صدری اولموشدور. 2008 و 2011-جی ایللرده دونیا آذربایجانلی‌لاری کونقره‌سینه کئچیریلن 10 و 11-قورولتایلاریندا همصدر سئچیلمیشدیر.
کیتابلاری
[دَییشدیر]- " تانیماق ایسته سن " ،
- " خبر گؤزله ییرم " ،
- سئوگیم،سئوینجیم
- " گنجه قاپیسی " ،
- " ساغ اول، آنا دیلیم! " ،
- " قان یادداشی " ،
- " عؤمور کیتابی " ،
- " آتامین روحو "
- " بو سنین خالقین‌دیر "
- " زامان مندن کئچیر "
- " ختایی یوردو " ،
- " گؤی تانری " ،
- " بوتؤولوک حسرتی " ،
- " آتامین روحو " (تکرار)
- " اؤلوم زیروه سی " ،
- " دیفاعی فدایی‌لری " ،
- " سونامی " ،
- " ابدی سئودا " .
- درده اَییلمه
- شاعیر و شر
- آکادئمیکین سون اثری (2017)
- آستار (2018)[۳]
اتک یازی‌لار
[دَییشدیر]- ^ "Azərbaycan Respublikası Ali Soveti Milli Şurasının təşkil edilməsi haqqında" Archived 2019-03-10 at the Wayback Machine. Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az (azərb.)
- ^ Sabir Rüstəmxanlının "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı // Azərbaycan Respublikası Prezidentinin Fərmanları və Sərəncamları.- Bakı, 1996.- № 2.- S.8.
- ^ Real TV (21.12.2018). "Sabir Rüstəmxanlının imza günü" (azərb.). Youtube.com. İstifadə tarixi: 2018-12-21.