قارا یاخماق
جان سی. فریمونت، جومهوریتچی پارتی سینین بیرینجی پرزیدنتلیک آدایی ایدی. بیر سیاسی قارا یاخما کمپینینده ، اونا قارشی بیر دئدی قودو ( شایعه ) یاییملاندی کی فریمونت بیر کاتولیکدیر (بونا گؤره بو یالانی دئدیلر کی کاتولیک مذهبی اینانمایانلاری فریمونت دان اوزاقلاندیرسینلار )
بیر قارا یاخماق کمپئینی (smear campaign)، یا بیر قارا یاخماق تاکتیکی (smear tactic)، و یا تکجه قارا یاخماق (smear)، بیر منفی سیاسی تاکتیک دیر. بو ایشی بیر اینصافسیز یا یانلیش سیاسی حمله ایله بیر موخالیف و قارشیداکی رقیب کاندیدانین علیهینه ایستفاده ائدرلر. بیر منطیقی تکنیک ایله آیری آیری مفهوملار و شئیلر و یا شخصی و یا قروپ شؤهرتلری بیربیرینه قاتیب ، و سونوندا بیر سؤز چیخاردیب، و آیری مفهوملار و فرقلری سیلیب و هدف حمله اولونور.
اورتاق هدفلر دولت مقاملاری، سیاستچیلر، و سیاسی کاندیدلردیرلر. قارا یاخما کمپینلر چوخ واختلار، سیاسی موشاوریلر موخالیفلر آراسیندان ییغان ایطلاعاتدان قایناقلانیر.
قارایاخماق کمپینلری پروپاقاندا، مدیا تبعیضی، ساری ژورنالیسم، و آیری یالانا باغلی عیبارتلر و آشاغیلایییج مانعلرله باغلی دیر. شیددتلی موقعیتلرده، قارایاخما کمپینلری بیر قروپون فیزیکی اینجیتمه سینه ختم اولار!