محمدجواد ظریف | |
---|---|
خاریجی ایشلر وزیری | |
ایشه باشلادی ۱۵ آقوست ۲۰۱۳ | |
رییسجومهور | حسن روحانی |
قاباقکی | علیاکبر صالحی |
ایرانین اتم دانیشیقلارینین باشچیسی | |
ایشده ۶ سپتامبر ۲۰۱۳ – ۱۴ جولای ۲۰۱۵ | |
رییسجومهور | حسن روحانی |
موعاوینی | عباس عراقچی |
قاباقکی | سعید جلیلی |
سونراکی | عباس عراقچی (as head of برجام follow-up commission)[۱] |
Ambassador of Iran to the United Nations | |
ایشده ۵ آقوست ۲۰۰۲ – ۲۵ جولای ۲۰۰۷ | |
رییسجومهور | محمد خاتمی محمود احمدینژاد |
قاباقکی | هادی نژادحسینی |
سونراکی | محمد خزایی |
شخصی بیلگیلر | |
دوغوم | ۷ ژانویهٔ ۱۹۶۰ (۶۴ یاش) تهران، ایران |
سیاسی حزبی | موستقیل |
حیات یولداشلاری | مریم ایمانیه (ائولی ۱۹۷۹)[۲] |
اوشاقلاری | 2[۳] |
جایزهلری | محمدجواد ظریف |
ایمضاسی | |
وبسایتی | Government site |
Academic background and work | |
Fields | International law International relations International studies |
Alma mater | سان فرانسیسکو ایالتی بیلیمیوردو (B.A.), (M.A.) Columbia University (dropped out) University of Denver (M.A.), (Ph.D.) |
تئزلری | Self-Defense in International Law and Policy (1988) |
قوروملار | School of International Relations تهران بیلیمیوردو آزاد اسلامی بیلیمیوردو |
محمدجواد ظریف (۱۷ دی ۱۳۳۸ تهراندا) و ایران ایسلام جومهورلوغونون ایندیکی ائشیک ایشلر باخانی دیر، او ایران قیزیل آی توپلومونون عوضوو و تهران بیلیم یوردونون قوناق اوستادی دیر.[۴]
محمد جواد ظریف ۱۷ دی ۱۳۳۸-جی ایل تاریخینده تهران شهرینده آنادان اولموشدور."The New Republic" ژورنالینین وئردیگی معلوماتا گؤره، ظریف تهراندا زنگین، دیندار و سیاسی جهتدن موحافیظهکار اولان بیر تاجیر عاییلهسینده آنادان اولموشدور. اونون آتاسی ایصفاهان شهرینین ان گؤرکملی توجّارلاریندان بیری، آناسی ایسه تهران شهرینین ان تانینمیش توجارلاری بیرینین قیزی ایدی. او، اؤزل دینی مکتب اولان تهران شهریندهکی علوی مکتبینده تحصیل آلمیشدیر.[۵]
ظریفین والیدئینلری اونون تلویزیون، رادیو و قزئتلرله ماراقلانماسینا ایجازه وئرمیردی. اونون یئرینه ظریف علی شریعتی و صمد بهرنگینین کیتابلارینی اوخویاراق اینقیلابی ایدئیالاری منیمسهمیشدیر.[۵]
ظریف 17 یاشیندا ایکن ایراندان آمریکایا کؤچموشدور. او، کالیفورنیا ایالتینین سان-فرانسیسکو شهرینده یئرلشن و اؤزل کالج-حاضیرلیق اورتا مکتبی اولان درو کالجی حاضیرلیق مکتبینده تحصیل آلمیشدیر.[۵] ظریف تحصیلینی سان-فرانسیسکو دؤولت بیلیم یوردوندا داوام ائتدیریب و ایکیسی ده بین الخالق موناسیبتلر اوزره اولماقلا اورانی 1360-جی ایلده لیسانس ،1361-جی ایلده ایسه یوکسک لیسانسینی بیتیرمیشدیر.[۶] بونون آردیندان ظریف تحصیلینی دئنوئر بیلیم یوردونداکی جوزئف کوربئل آدینا بین الخالق علملر مکتبینده داوام ائتدیریب. او، بورانی 1984-جو ایلده بینلخالق موناسیبتلر اوزره ایکینجی یوکسک لیسانس درجهسینی آلاراق، 1988-جی ایلده ایسه حوقوق و سیاست اوزره فلسفه دوکتورو علمی درجهسینی آلاراق بیتیرمیشدیر.[۷][۸] اونون تئزینین آدی – "بین الخالق حوقوقدا و سیاستده اؤزونو مودافیعه".[۹]
بیتیردیگی مکتبده پروفسور اولان و ظریفین پایاننامهسینی نظردن کئچیرن کومیتهیه صدرلیک ائدن توْم روْوُ ظریف حاقدا "او، درس وئردیگیم ان یاخشی طلبهلردن بیری ایدی" دئمیشدیر.[۱۰] واختیله ظریفه درس وئرمیش و اونون پایاننامهسینی نظردن کئچیرن کومیتهنین عوضوو اولان وئد ناندا ظریف حاقدا "او، صینیف اوتاغیندا یاخشی ایدی. او واختلار... من فیکیرلشیردیم کی، اؤز اؤلکهسینین طالعینده بؤیوک رول اویناجاق" دئمیشدیر.[۱۱]
محمد جواد ظریف ائولیدیر و ایکی اؤولادی وار (بیری قیز، بیری اوغلان). اونلارین ایکیسیده آمریکادا آنادان اولوبلار. او، ایندیکی حیات یولداشی ایله ۱۹۷۹-جو ایلین یاییندا باجیسی واسیطهسیله تانیش اولموشدور. اونلار ایراندا ائولهنیبلر، آنجاق ایران ایسلام اینقیلابی سببیله آمریکانین نیویورک شهرینه کؤچمهلی اولوبلار. ظریف آنا دیلی اولان فارسجادان علاوه،اینگیلیس دیلینده ده سلیس دانیشیر.
ویکیآمباردا محمدجواد ظریف ایله مربوط فایل وار. |
ویکیسؤز ده محمدجواد ظریف ه مربوط اولان سؤز وار |