میخائیل ساکاشویلی

میخائیل ساکاشویلی
آد	میخائیل ساکاشویلی
قیسا بیلگی	سیاستچی، دئوریمچی، اصلاحاتچی
دوْغوم تاریخ	۲۱ دکابر ۱۹۶۷
آیری آدلار	მიხეილ სააკაშვილი
تحصیل	دوکتورا
ایش	رئیس‌جمهور

میخائیل ساکاشویلی یا دا میخئیل ساآکاشویلی (گورجوجه: მიხეილ ნიკოლოზის ძე სააკაშვილი Mixeil Nikolozis dze Saakaşvili) ـ گورجو سییاستچیسی و 2004-2013-جو ایللرده گورجوستان جمهوریتی‌نین رئیس‌جمهورو. 2003-جو ایلین اوْکتوبریندا گورجوستاندا باش وئرمیش قیزیل‌گول اینقیلابینین اساس ایدئیا مؤلیفی اولموش و 15 ژانویه 2004-جو ایلده رئیس‌جمهورلوق سچکیلری‌نین نتیجه‌لرینه اساساً گورجوستان جمهوریتی‌نین رئیس‌جمهورو سئچیلمیشدیر. 5 ژانویه 2008-جی ایلده نؤوبه‌دن‌کنار سئچکی‌لرده یئنیدن غلبه قازانمیشدیر. 

2013-جو ایلده گورجوستان رئیس‌جمهورو وضعیفه‌سینی باشا چاتدیران سااکاشویلی بیر مودت آوروپا و آبش-دا حوقوق ساحه‌سینده چالیشدیقدان سونرا اوکراینایا یوللانمیشدیر. 2014-2015 اوکراینا سیاسی موحیطینده موهوم روللاردان بیرینی اوینایان میخئیل سااکاشویلی پئترو پوروشئنکو طرفیندن اودئسسا ویلایتینین قوبئرناتورو تعیین ائدیلمیشدیر.^[۱][۲][۳]

حیاتی

میخئیل سااکاشویلی 1967-جی ایل دئکابرین 21-ده تیفلیسده دوغولوب. آتاسی نیکولوز سااکاشویلی حکیمدیر. آناسی گیولی آلازانیا تبیلیسی دؤولت اونیوئرسیتئتینین تاریخ کافئدراسیندا پروفئسسورو و گورجوستان علملر آکادئمییاسیندا شؤعبه‌مودیری وظیفه‌سینده چالیشیر. 

سااکاشویلی کی‌یئو دؤولت اونیوئرسیتئتینین بین‌الخلق حوقوق ایختیصاصینی بیتیرمیشدیر. 1986-جی ایلین سونلاریندان اعتیباراً ایکی ایل مودتینده سووئت اوردوسو ترکیبینده چئخوسلوواکییا و ماجاریستاندا حقیقی حربی خیدمتده اولموشدور. 

1992-جی ایلدن ایل یاریم مودتینده اوسلودا یئرلشن نوروئچ اینسان حوقوقلاری اینستیتوتوندا، سونرا ایسه تیفلیسده گورجوستان اینسان حوقوقلاری کومیته‌سینده چالیشمیش و آزلیق حوقوقو اوزره ایختیصاصلاشمیشدیر. 1993-جو ایلده ستراسبورقدا یئرلشن بین‌الخلق اینسان حوقوقلاری اینستیتوتونون دیپلومونا لاییق گؤرولموشدور. 

1994-جو ایلده  "Edmund S. Muskie Graduate Fellowship" پروقرامی اوزره امکلی اولاراق کولومبییا اونیوئرسیتئتینین حوقوق ائلملری فاکولته‌سینده فوق‌لیسانسا داخیل اولموش، 1995-جی ایلده جورج واشینقتون بیلیم‌یوردوندا تئزینی مودافیعه‌ائده‌رک دوکتورا درجه‌سی قازانمیشدیر.

ساندرا رولوفس آدلی هوللاند اصیللی قادینلا عاییله حیاتی قورموشدور و ائدوارد و نیکیلوز آدلی ایکی اؤولادلاری واردیر. آنا دیلی ایله یاناشی اینگیلیس، روس، فرانسیز و اوکراینا دیللرینده سربست دانیشیر. 

سیاسی فعالیتی

سیاسی فعالیتینه 1995-جی ایلده باشلایان سااکاشویلی گورجوستان پارلمانی‌نین نماینده‌سی سئچیلیب. 2000-جی ایلده عدلیییه ناظیری وظیفه‌سینه تعیین ائدیلیب. سونرا تیفلیس مئری سئچیلیب. 2004-2013-جو ایللرده گورجوستان پرئزیدئنتی اولموشدور.^[۴]

فیلموقرافییا

• بؤیوک عؤمرون آنلاری (فیلم، 2006)-آرخیو کادرلار (تاممئتراژلی سندلی تلویزیون فیلمی)
• بؤیوک عؤمرون داوامی (فیلم، 2007)-آرخیو کادرلار (تاممئتراژلی بدیعی-سندلی تلویزیون فیلم-تاماشاسی) 
• بپ آذربایجاندا (فیلم، 2007)-آرخیو کادرلار (قیسامئتراژلی سندلی فیلم) 
• منه اینانین! (فیلم، 2007)-آرخیو کادرلار (تاممئتراژلی سندلی تلویزیون فیلمی) 
• اوغور فورمولو (فیلم، 2007)-آرخیو کادرلار (قیسامئتراژلی سندلی تلویزیون فیلمی)

گالری

• 
  میخائیل ساکاشویلی
• 
  آوروپا خالق پارتيياسي - ليسسابون 18 اوکتيابر 2007
• 
  آوروپا خالق پارتیاسیندا
• 
  رأییمیز ساآکاشویلی، پوزولموش!
• 

قایناق

• آذربایجان لاتین ویکی‌پدیاچیلاری طرفیندین یارادیلمیش Mixeil Saakaşvili مقاله‌سی.

1. "Saakashvili Confirmed As Governor Of Ukraine’s Odesa Region". یوخلانما تاریخی ۱۴ آذر ۱۳۹۶.
2.  "Georgian ex-President Saakashvili named Ukraine regional governor - BBC News" بی‌بی‌سی دوشرگه‌سی، ۱۴ آذر ۱۳۹۶ تاریخینده یوخلانیلمیش.
3.  "euronews – Ex-Georgian President Sakaashvili appointed governor of Ukraine’s Odessa region" Archived 2016-03-05 at the Wayback Machine.. M.euronews.com.  ۱۴ آذر ۱۳۹۶ تاریخینده یوخلانیلمیش.
4. ساکاشویلی‌نین ۴۲ یاشی تمام اولدو.. آرشیولنیب اصلی نۆسخه‌دن on 2020-09-25. یوْخلانیلیب2017-12-05.