میکروبیولوژی (میکروس - کیچیک، بیوس - حیات، لوقوس - علم دمکدیر) - چوْخو عادی گؤزله گؤرولمهیهجک قدر کیچیک (میکروسکوپیک)، دیگر اوْرقانیزملره نظرهن بسیت و چوْخ گئنیش چشیدده اوْلان جانلی وارلیقلارین، یعنی میکروب یاخود دیگر آدییلا میکرو اوْرقانیزملری اؤیرهنهن علم. میکروبیولوژینین سوبیکتی باکتری، آرکیا، یوسون، کیف، پروتوزوی و ویروسلاردیر. میکروبلار عادتاً تکهوجیرهلی، بعضاً چوخهوجیرهلی (سلول کولونییالاری) یاخود هوجیروی قورولوشا مالیک اوْلمایان اوْرقانیزملردیر (ویروس و پریونلار) اؤیرهنهن علمدیر. بۇ ساحهیه میکروبلارین فوندامنتال علمی باخیمدان آراشدیریلماسی ایله یاناشی آنزیماسییا، شرابچیلیقکیمی صنایع اۆرتیم (تولید)ی و طیبی میکروبیولوژیدا یولوخوجو نوخوشلوقلرین قارشیسینین آلینماسی کیمی تطبیقی ساحهلر ده داخیلدیر. میکروبیولوژی ویروسولوژی، میکولوژی، پارازیتولوژی و باکتریولوژی کیمی چوخسایلی ساحهلره بؤلونمکدهدیر.
میکرو اوْرقانیزملر ۲ قروپدا تسنیفلشدیریلیر.
اوکاریوت میکرو اوْرقانیزملر سلول اوْرقانویدلرینی ایحاطه ادن غشانا صاحیبدیرلر و بئله میکرو اوْرقانیزملره گؤبلکلر و پروتیستلر داخیلدیر. پروکاریوت اوْرقانیزملرین ایسه هامیسی میکرو اوْرقانیزمدیر و بورایا اوباکترییالار(حقیقی باکتری لر) و آرکوباکتریلر(سیانوباکترییالار) داخیلدیرلر کی، اوْنلاری دا عمومی بیر علامت بیرلشدیریر کی، بۇ دا اوْرقانویدلری ایحاطه ادن سلول غشانینین اوْلماماسیدیر.