Севиче

Севиче
исп. ceviche
Рәсем
Дәүләт  Перу[1]
Ил  Перу
Статус нематериального культурного наследия Представительный список нематериального культурного наследия человечества[d][1][2][3]
Вики-проект WikiProject Intangible Cultural Heritage[d]
Температура подачи холод[d]
 Севиче Викимилектә

Севиче (исп. ceviche, seviche йәки sebiche) — балыҡ һәм диңгеҙ аҙыҡтарынан ашамлыҡ, тыуған иле Перу.[4] Ашамлыҡ күп кенә Латин Америкаһы илдәре аш-һыуында таралған, тик рецептары ғына айырылырға мөмкин. Мәҫәлән, Колумбияла был ризыҡты әҙерләнгәндә томат пастаһы йәки кетчуп ҡулланыла.

Севиченың үҙенсәлекле рецебы 15 минут лайм һутында маринадланған төрлө сорттағы ваҡ итеп туралған сей балыҡтарҙан тора. Бынан һуң балыҡҡа дүңгәләкләп туралған ҡыҙыл һуған һәм ҡайһы саҡта рокото (Перу әсе боросо) өҫтәлә. Лайм һутындағы лимон кислотаһы иҫәбенә балыҡта булған аҡһымдарҙың денатурацияһы барлыҡҡа килә.

Рецепт ил һәм төбәккә бәйле үҙгәрергә мөмкин. Мәҫәлән, ҡайһы берҙә балыҡҡа төрлө диңгеҙ аҙыҡтары өҫтәлә, был осраҡта ризыҡ Ceviche mixto атамаһын ала. Әгәр балыҡ һәм моллюскылар сей көйө ҡулланылһа, башҡа диңгеҙ аҙыҡтары (һигеҙаяҡтар, кальмар һәм башҡалары) алдан бешереп алына. Иң киң таралған варианттарының береһе булып тора conchas Ceviche negras de —ҡара диңгеҙ севиче менән ҡара диңгеҙ ҡабырсаҡтары, Ceviche de ostras — устрица менән севич, шулай уҡ Ceviche con camarones — диңеҙ ҡыҫалаларынан севич. Башҡа ингредиенттар булып башлы һуған, сельдерей һабаҡтары, кинза, чили боросо тора.

Перуҙа севиче ғәҙәттә батат, ҡыҙҙырылған кукуруз йәки маниок менән бирелә, Эквадорҙа гарнир сифатында шулай уҡ дөгө йәки банан-плантайндан чипцы йәки еңел кукуруз бирелә. Афродизиак үҙенсәлектренә эйә булған севиче өсөн ҡулланылған маринад «Юлбарыҫ һөтө» исеме аҫтында айырым блюдо булараҡ бирелә.

Төрлөләр

[үҙгәртергә | сығанаҡты үҙгәртеү]
  • Севичеға 2013 йылда Перу баш ҡалаһы Лимала һәйкәл асыла[5].

Иҫкәрмәләр

[үҙгәртергә | сығанаҡты үҙгәртеү]
  1. ↑ 1,0 1,1 Representative List of the Intangible Cultural Heritage of Humanity, Liste représentative du patrimoine culturel immatériel de l’humanité, Lista Representativa del Patrimonio Cultural Inmaterial de la Humanidad (ингл.)
  2. ↑ https://ich.unesco.org/doc/download.php?versionID=69630 (ингл.)
  3. ↑ https://ich.unesco.org/doc/download.php?versionID=69631 (фр.)
  4. ↑ ceviche, seviche, cebiche, history
  5. ↑ Памятник национальному блюду открыт в Перу