| Rags2Riches | |
| Тип |
коммерциялы булмаған ойошма |
|---|---|
| Нигеҙләү йылы |
1994 |
| Нигеҙләүселәр |
Себастиен Марот, Марк Таргесон һәм Барбара Адамс |
| Урыны | |
| Эшмәкәрлек өлкәһе |
Ярлы ғаиләләрҙән булған үҫмерҙәрҙең социаль интеграцияһы |
| Килем |
6,5 миллион доллар (2013) |
| Хеҙмәткәрҙәр һаны |
500 артыҡ |
| Слоган |
Together, Building Futures |
| Веб-сайт | |
Friends-International — 1994 йылда Камбоджала барлыҡҡа килгән халыҡ-ара коммерциялы булмаған ойошма һәм социаль предприятие. Friends-International Камбоджа, Индонезия, Лаос, Таиланд, Филиппин, Мьянма, Гондурас, Мексика һәм Мысыр илдәренең ярлы ғаиләләренән булған маргинализацион балаларҙы һәм үҫмерҙәрҙе комплекслы һаҡлау һәм уларға белем алыу мөмкинселеге һәм социаль бизнес-моделдәрҙе ҡулланып эшләү аша яраҡлы уңайлыҡтар менән тәьмин итеү менән шөғөлләнә. Барлыҡҡа килеү ваҡытынан бирле ҡалала ҡарауһыҙ йөрөгән балалар, етемдәр, наркомандар, токсикомандар, ҡасаҡтар, легаль булмаған мигранттар, йорт көсләүенән зарарланғандар һәм секс-индустрияһының эшселәре араһынан булған 300 мең кеше өсөн ойошма белем биреү, мул тормош һм йәмғиәткә интеграция өлкәһендә программаларҙы башҡарған. Балаларҙы һаҡлау һәм уларҙың мөмкинселектәрен ҙурайтыу бер береһе менән бәйләнгән дүрт программа (Friends Programs, ChildSafe International, CYTI Alliance и Friends Social Business) аша эшләнә[1][2][3][4][5][6].
2001 йылда башланғай Friends Social Business программаһы балаларҙы уҡытыуҙан һәм үҫмерҙәргә яҡшы эш табыуҙан башҡа, үҙенең һәм уның күп партнерҙарың тотороҡлоғо өсөн финанс ресурстар эшләп сығара (шулар араһында яҡшы социаль бизнестарҙың франчайзингы ярҙамында эшләү). Friends-International туризм, ҡунаҡханалар һәм ресторандар бизнесе, берәмләп һатыу, пассажирҙарҙы ташыу (такси хеҙмәте), интернет-кафе, һөнәрҙәр (Home Based Production Project) һәм профессиональ белем биреү (Vocational Training Project) өлкәһендә эшләгән һәм ауыр үҫмерҙәргә ярлылыҡ менән криминоген аранан сығыуҙа ярҙам иткән күп предприятиеларҙа етәкләй һәм улар менән идар итә. 2007 йылда Friends-International Сколл фондынан социаль эшҡыуарлыҡ өсөн бүләк алһа, ә 2009 йылда — Шваба фондынан[7][8][9].
2014 йылға ҡарата Friends-International биш уҡыу ресторандарын һәм Камбоджа менән Лаос илдәрендә VT shops магазиндар селтәрҙәрен етәкләй. Шулай уҡ план буйынса, Камбоджала, Лаоста һәм Таиландта өс уҡыу рестораны асасаҡтар[10][11]. Friends-International йыл һайын Камбоджала социаль эшҡыуарлыҡ буйынса конференциялар үткәрә[12].