Аҡбаш турғай

Был терминдың башҡа мәғәнәләре лә бар, ҡарағыҙ: Аҡбаш (мәғәнәләр).

? Аҡбаш турғай
Фәнни классификация
Батшалыҡ: Хайуандар Тип: Хордалылар Класс: Ҡоштар Отряд: Турғай һымаҡтар Ғаилә: Һоло турғайҙары Ырыу: Plectrophenax Төр: Аҡбаш турғай
Латинса исеме
Plectrophenax nivalis (Linnaeus, 1758)

Plectrophenax nivalis

Халыҡ-ара Ҡыҙыл китап Ҙур хәүеф янамай IUCN 3.1 Least Concern : / 106008973

Аҡбаш турғай (рус. Пуночка)(лат. Plectrophenax nivalis)— һоло турғайҙары ғаиләһендәге ҡошсоҡ.

Ҡылыҡһырлама

Турғай ҙурлыҡ. Күмәкләшеп ерҙән генә йөрөйҙәр, ағастарға ҡунмайҙар. Дөйөм төҫө аҡ. Ҡара ҡанаттарының осонда аҡ һыҙаттары бар. Һорғолт көрән ҡойроғоноң ситтәре һәм осо аҡ менән ҡайылған. Арҡаһы һорғолт аҡ. Күҙенән һорғолт һыҙыҡ үтә. Көрән суҡышының осо ҡара. Башҡа турғайҙар менән бутауы мөмкин түгел.

Тауышы

Тауышы яңғырауыҡлы: «пинь- пинт-пинт».

Йәшәү рәүеше

Һыу буйҙарындағы асыҡ урындарҙа йөрөй. Башлыса үлән орлоҡтары менән туҡлана. Беҙҙең яҡтарға тик ҡышлау өсөн генә килә.Октябрь айҙарында килеп, март урталарында төньяҡҡа ҡайта. Киң генә таралған. Беҙҙең яҡта оя ҡормай.

Әҙәбиәт

• Э. Ф. Ишбирҙин. Башҡортостан ҡоштары китабы. Өфө, 1986 йыл.

Иҫкәрмәләр

Һылтанмалар

• Пуночка, или снежный подорожник, или снегурочка — Plectrophenax nivalis: описание и рисунки

Брокгауз һәм Ефрондың энциклопедик һүҙлеге (1890—1907).