Рихард Нойтра | |
нем. Richard Joseph Neutra | |
Төп мәғлүмәт | |
---|---|
Тыуған көнө | |
Тыуған урыны | |
Вафат көнө | |
Вафат урыны |
Германия, Вуппертал |
Хеҙмәттәре һәм ҡаҙаныштары | |
Белем алған | |
Работал в городах | |
Архитектура стиле | |
Мөһим төҙөлөштәре |
Түңәрәк йорт (Геттисберг, Пенсильвания); Жардинеттаның торлаҡ бинаһы (Голливуд); Миллер йорто (Палм-Спрингс, Калифорния). |
Наградалары |
Вильгельм Экснер миҙалы (1959) |
- | |
Ричард Нойтра Викимилектә[4] | |
Ричард Йозеф Нойтра (нем. Richard Joseph Neutra; 8 апрель 1892, Вена, Австрия — 16 апрель 1970, Вуппертал, Германия) — Австрия һәм Америка архитекторы, XX быуат уртаһындағы модернизмға нигеҙ һалыусыларының береһе.
Рихард Йозеф Нойтра 1892 йылда Венала йәһүд[5][6] ғаиләһендә тыуған һәм,Вена техник университетында уҡығанда, Адольф Лоостың уҡыусыһы була. Был ваҡытта Отто Вагнерҙың ижады менән мауыға, юғары белем алғас, Германияға стажировкаға китә, унда Эрих Мендельсондың студияһында эшләй. 1923 йылда Америка Ҡушма Штаттарына эмиграцияға китә һәм 1929 йылда был илдең гражданлығын ала. Бында архитектор Фрэнк Ллойд Райт һәм уның менән берлектәге ҡайһы бер проекттарҙа ҡатнаша, һуңынан университетта элекке дуҫы һәм курсташы Рудольф Шиндлер тарафынан эшкә саҡырыла, уның менән бергә Калифорнияға йәшәргә һәм эшләргә күсә.
Был йылдарҙа Нойтраның үҙенсәлекле стиле формалаша башлай, ул аныҡ геометрик пропорцияларҙы еңеллек һәм һауалылыҡ менән берләштереүгә нигеҙләнә, был көнбайыш яр буйы халҡының талаптарына тап килә. Уның ҡарашының айырыуса үҙенсәлеге булып клиенттарының ихтыяждарын теүәл үтәү тора, шул уҡ ваҡытта коллега-архитекторҙар заказсыларға резиденцияның художестволы ҡарашын көсләп һалырға тырыша. Проектлауҙы башлағанда, Нойтра тәү сиратта һәр ваҡыт үҙенең клиентының ихтыяждарын асыҡларға тырыша һәм шунан һуң ғына бинаға ниндәйҙер сәнғәт элементтарын өҫтәй, уны тирә-яҡ пейзаж менән сағыштыра. Бер нисә уңышлы проект тамамланғас, Лос-Анджелеста архитекторҙың тәүге уҡыусылары барлыҡҡа килә, уларҙың иң билдәлеләре — Грегори Эйн, Харвел Хамилтон Харрис һәм Рафаэль Сориано.
1970 йылда Германияла вафат була, үҙенән һуң «Тормош һәм форма» исемле китап-автобиографияһын ҡалдыра.