Сокчхо

Сокчхо
	Сокчхо
Дәүләт	Көньяҡ Корея
Административ-территориаль берәмек	Канвондо[d]
Сәғәт бүлкәте	UTC+9:00[d]
Халыҡ һаны	79 846 кеше (2015)
Диңгеҙ кимәленән бейеклек	2 метр
Туғандаш ҡала	Йонаго[d], Грешем[d], Чонып[d] һәм Тайдун[d]
Майҙан	105,25 км²
Рәсми сайт	sokcho.gangwon.kr/foreig…
Был объекттан күренештәр категорияһы	Category:Views from the Sokcho Lighthouse Observatory[d]
	Сокчхо Викимилектә

Сокчхо (кор.속초시^?, 束草市^?, Sokcho-si) — Көньяҡ Кореяның Канвондо провинцияһындағы ҡала. Илдең төньяҡ-көнсығыш өлөшөндә Көнсығыш диңгеҙе яры буйында урынлашҡан.

Тарихы

Ҡала эсендәге боронғо ултыраҡтар бронза быуатына ҡарай. Борон хәҙерге Сокчхо биләмәһе Корея дәүләте Когурьёға ҡараған, ә VI быуатта Силла дәүләте контроле аҫтына күскән. 757 йылғы административ реформаларҙан һуң бында Иннёнхён (Иннён районы) административ берәмек барлыҡҡа килә. 1221 йылда (Корё династияһы) биләмә Янджа составына инә.

Сокчхо тураһында 1760 йылда телгә алына — Чосон дәүләте картаһына индерелгән була.

1945 йылдың 24 авгусынан алып 1951 йылдың 8 ғинуарына тиклем Сокчхо төньяҡ коммунистик хөкүмәт хакимлығы аҫтында була, унан һуң көньяҡ корея ғәскәрҙәре тарафынан яулап алына.

Сокчхоға 1963 йылда ҡала статусы бирелә^[3].

Географияһы

Сокчхо Япон диңгеҙе ярында Демилитаризациялы зонанан көньяҡҡа ҡарай 62 километр алыҫлыҡта урынлашҡан һәм Сораксан милли паркына ҡапҡалар булып тора. Сокчхоны Приморье крайы менән тоташтырыусы паром кисеүе бар.

Сокчхо климаты Кореяның континенталь өлөшөнән бер аҙ айырыла. Ҡала көнбайыштан тауҙар менән уратып алынған һәм диңгеҙ буйында ята, шуға күрә климаты океан йоғонтоһо аҫтына эләгә. Йыллыҡ уртаса температура — 11,8 °C, уртаса йыллыҡ яуым — төшөм күләме 1300 мм. Елдең уртаса тиҙлеге — 3,1 м/с^[4].

Халҡы

Йылдар буйынса халыҡ һаны динамикаһы:

1970	1975	1980	1985	1990	1995	2000	2005	2010
024 73	351 71	759 65	430 69	758 73	979 81	880 87	706 84	80 505

Административ бүленеше

Исеме	Хангыль	Майҙаны, км²	Халыҡ, кеше
Йоннандон	영랑동	7,60	6217
Кедон	교동	0,75	13 066
Кымходон	금호동	1,43	7976
Нохактон	노학동	22,29	412 23
Тонмендон	동명동	0,78	4360
Тэпходон	대포동	65,89	3933
Чояндон	조양동	5,62	915 20
Чхонходон	청호동	0,94	4720

Иҡтисады

Бюджетын барлыҡҡа килтереүсе тармаҡ булып туризм тора. Пляждар һәм йәнәшәләге билдәле Сораксан тауҙары һыҙаты ҡалаға Көньяҡ Кореянан да, шулай уҡ сит илдәрҙән дә күп туристарҙы йәлеп итә.

2003 йылда ҡала бюджеты 160,700 вон миллиард тәшкил (яҡынса 150 миллион доллар)^[5] иткән.

Туризмы һәм иҫтәлекле урындары

Тарихи:

Будда Синхынса монастыры 1750 йылда төҙөлгән. Илдә иң ҙур будда ғибәҙәтханаһы һанала.
Силли дәүләте дәүерендәге өс ҡатлы Хянсонсаджи пагодаһы (VIII быуат) бар.

Тәбиғи:

Сораксан милли паркы. Сораксан тауындағы милли парктан тыш боронғо ҡомартҡылар һәм күп һанлы туристик маршруттар бар.
Бирён һәм Товансон шарлауыҡтары.
Чхоксан ҡайнар сығанаҡтары. Хәҙер был сығанаҡтар урынында ҙур спа-курорт урынлашҡан.
Йонгаранхо күле — күл 1140 км² майҙанды тәшкил итә. Яр буйында күп ресторан һәм ҡунаҡханалар урынлашҡан^[6].

Фестивалдәр:

Корея халыҡ сәнғәте фестивале. Йыл һайын сентябрь аҙағында — октябрь башында 3 көн дауамында үтә.
Сораксан тауында ҡар бөртөктәре фестивале.
Таңды ҡаршылауҙың яңы йыл байрамы (Сокчхола географик урынлашыуы арҡаһында ҡояш Кореяның башҡа төбәктәренә ҡарағанда иртәрәк ҡалҡа)^[7].