Һыҙыҡлы тигеҙләмә

Һыҙыҡлы тигеҙләмә
Тәртип буйынса һуңыраҡ килеүсе	Квадрат тигеҙләмә
Закон йәки теорема формулаһы	${\displaystyle y=mx+b}$
Обозначение в формуле	${\displaystyle m}$ һәм ${\displaystyle b}$
Вики-проект	Проект:Математика^[d]
Һыҙыҡлы тигеҙләмә Викимилектә

Һыҙыҡлы тигеҙләмә — уны төҙөүсе күпбыуындарҙың тулы дәрәжәһе 1-гә тигеҙ булған алгебраик тигеҙләмә. Һыҙыҡлы тигеҙләмәне түбәндәгесә күрһәтелә:

• дөйөм күренештә: ${\displaystyle a_{1}x_{1}+a_{2}x_{2}+\dots +a_{n}x_{n}+b=0}$;
• каноник формала: ${\displaystyle a_{1}x_{1}+a_{2}x_{2}+\dots +a_{n}x_{n}=-b}$.

Бер үҙгәреүсәнле һыҙыҡлы тигеҙләмә

Бер үҙгәреүсәнле һыҙыҡлы тигеҙләмәне:

${\displaystyle ax+b=0}$ күренешенә килтерергә мөмкин.

Сығарылыштары һаны a һәм b параметрҙарына бәйле.

Әгәр ${\displaystyle a=b=0}$ булһа, тигеҙләмәнең сикһеҙ күп сығарылышы бар, сөнки ${\displaystyle \forall x\in \mathbb {R} :x\cdot 0=0}$.

Әгәр ${\displaystyle a=0,b\neq 0}$ булһа, тигеҙләмәнең сығарылышы юҡ, сөнки ${\displaystyle \not \exists x\in \mathbb {R} :0\cdot x=-b\neq 0}$.

Әгәр ${\displaystyle a\neq 0}$ булһа, тигеҙләмәнең берҙән бер сығарылышы бар: ${\displaystyle x=-{\frac {b}{a}}}$.

Ике үҙгәреүсәнле һыҙыҡлы тигеҙләмә

y = ax + b күренешендәге ике үҙгәреүсәнле һыҙыҡлы тигеҙләмәнең геометрик нөктәләр урыны

Ике үҙгәреүсәнле һыҙыҡлы тигеҙләмәне күрһәтергә мөмкин:

• дөйөм күренештә: ${\displaystyle ax+by+c=0}$;
• каноник формала: ${\displaystyle ax+by=-c}$;
• Һыҙыҡлы функция формаһында: ${\displaystyle y=kx+m}$, бында ${\displaystyle k=-{\frac {a}{b}};\ m=-{\frac {c}{b}}}$.

Бындай тигеҙләмәнең сығарылышы, йәки тамыры тип, ${\displaystyle (x;y)}$ үҙгәреүсәндәр парының, тигеҙләмәне тождествоға әйләндереүсе ҡиммәттәре парын атайҙар. Ике үҙгәреүсәнле һыҙыҡлы тигеҙләмәнең ундай сығарылыштары (тамырҙары) сикһеҙ күмәклек. Бындай тигеҙләмәнең геометрик моделе (графигы) — ${\displaystyle y=kx+m}$ тура һыҙығы.

Шулай уҡ ҡарағыҙ

• Һыҙыҡлы алгебраик тигеҙләмәләр системаһы
• Һыҙыҡлы функция

Һылтанмалар

• Решение линейных уравнений 2018 йыл 5 июнь архивланған. на сайте «Рекомендации учащимся»

Ҡалып:Алгебраические уравнения