Ferdinand de Saussure
 | Suratan puniki nénten madué pranala ka suratan Wikipédia liyanan. (Oktober 2020) |
Ferdinand de Saussure (embas ring Jenewa, 26 November 1857 – seda ring Vufflens-le-Château, 22 Pébruari 1913 ring warsa 55 tiban) inggih punika linguis saking Swiss sané kasengguh manados silih tunggil Bapak Linguistik Modern miwah sémiotika.[1] Kriya sané pinih utama sakadi Cours de linguistique générale kamedalang duk warsa 1916. Tigang warsa sasampun ida seda, sisyanyané sané mawasta Bally miwah Albert Sechehaye nglanturang kaweruhan-kaweruhan sané karipta olih gurunyané Saussure ring Paris. Pikayunan Saussure prasida kasurat unteng-untengnyané antuk wentuk sakadi kaweruhan diakronis miwah sinkronis. Taler kawedar indik langue, parole, signifiant miwah signifié. Sané pinih untat madaging paiketan pantaraning sintagmatik miwah paradigmatik. Ring semiologi, Saussure ngamaosang indik basa manados "silih tunggil sistem utawi tanda sané ngamedalang pikayunan" dados kakepah kalih inggihnyané langue (basa), sistem sané gamang tur druén makasami janmané tur kaanggén manados sarana ri tatkala mababaosan umpaminyané marupa dialék.
- ↑ Justin Wintle, Makers of modern culture, Routledge, 2002, p. 467.