Hukum gerak Newton

Hukum gerak Newton inggih punika tiga hukum sané ngambarang hubungan riantara gerak satunggil panandang miwah gaya sané makarya ring ipun. Hukum-hukum niki, sané manados dasar antuk mékanika Newton, prasida kaparafraseyang sekadi puniki:

  1. Satunggil panandang tetap mendep uatwi magingsir antuk kalajuan tetep ring garis beneng, tiosan pinaka panandang punika kapengaruhin olih satunggil gaya.
  2. Gaya total ring satunggil panandang pateh sareng parcepatan akesep panandang punika kakaliyang sareng massa akesepné utawi, pateh sareng laju pagentosan momentum panandang majeng kala.
  3. Pinaka kalih panandang saling ngicain gaya, sapunika gaya-gaya ipun akéhné pateh sakémanten arah ipun malawanan.[1][2]

Katiga hukum gerak kapertama kanikayang olih Isaac Newton ring bukuné Philosophiæ Naturalis Principia Mathematica (Prinsip Matematika Tattwa Alam), sané kapertama kawedar ring warsa 1687.[3] Newton nganggénné antuk ngatilik lan ngapidartayang akéh gerak panandang saha sistem fisik. Daweg nika Newton dados pawikanan anyar, khususné paindikan konsép wasa, ngawangun widang mékanika klasik ring duur aledné. Kawatesan hukum Newton taler sampun kacunduk; téori anyar kaperluang ritatkala panandang magingsir antuk kagelisan sanget tegeh (rélativitas khusus), sanget ageng (rélativitas umum), utawi sanget alit (mékanika kuantum).

Pustaka

[uah | uah wit]
  1. ↑ Thornton, Stephen T.; Marion, Jerry B. (2004). Classical Dynamics of Particles and Systems (édisi ka-5th). Brooke Cole. p. 49. ISBN 0-534-40896-6.
  2. ↑ Newton, I. (1999). The Principia, The Mathematical Principles of Natural Philosophy. Katerjemahang olih Cohen, I.B.; Whitman, A. Los Angeles: University of California Press.
  3. ↑ Newton, Isaac; Chittenden, N. W.; Motte, Andrew; Hill, Theodore Preston (1846). Newton's Principia: The Mathematical Principles of Natural Philosophy. University of California Libraries. Daniel Adee.