Jangu

Jangu
Jangu
Klasifikasi ilmiah
Krajaan	Plantae
(ten wénten takson)	Angiospermae
(ten wénten takson)	Monokotil
Bangsa	Acorales
Familia	Acoraceae
Marga	Acorus
Spésiés	A. calamus
Adan Binomial
Acorus calamus L.

Jangu (Acorus calamus) punika tetanduran terna sané rimpang ipun keanggén tamba taler lakaran upakara^[1] asal ipun kecawang saking kepahan benoa India miwah kasebar ring sajebag guminé saking pengadolan basa-basa. Ring benoa Amérika, jangu kasilur sareng Acorus americanus.

Botani

Jangu ngelah rimpang maambu miik. Kulit rimpanné mawarna soklat nguda antuk warna putih ring jeroné. Donné tebel miwah keras marupa sakadi pedang. Pinaka don ipun karemes pacang ngasilang ambu sané miik. Jangu pinaka entika sané madaging lengis atsiri. Entikan jangu mentik saking tunas rimpang sané pacang mentik dados sulur taler entikan anyar.^[2]

Upakara

Bali

Jangu ring krama Bali ketah dados entikan sané kaanggén ring upakara pabersihan miwah sesikepan kaiket sareng kesuna nganggén benang tri datu^[3]

Kaharingan

Jangu ketah kaanggén olih Wong Dayak manados pamageh saking kuyang miwah pangusir atma durjana. Jangu taler ketah manados pawarna bang ring upacara Mangkok Merah.

Yahudi

Ring Basa Ibrani, jangu kaaranin qaneh besem (בֶּשֶׂם, BESEM, lit. manis; miwah קָנֶה, QANEH), punika satunggil katik utawi rerambatan sané rumasuk entikan maambu. Jangu ketah kaanggén dados lengis borehan ring upacara utawi ritual:

• Pangangkatan imam
• Pangangkatan raja (sekadi Daud miwah Salomo)

Pustaka

1. Ramawat, K. G., Ed. (2004). Biotechnology of Medicinal Plants: Vitalizer and Therapeutic Enfield, New Hampshire: Science Publishers, Inc. 5.
2. "21 BAB 2 TINJAUAN PUSTAKA 2.1. Tanaman Jerangau (Acorus calamus) Jerangau merupakan tumbuhan spora air yang banyak dijumpai di k" (PDF). webcache.googleusercontent.com. Kaaksés 2019-06-11.
3. Bali, Nusa. "Krama Nunas Sesikepan Benang Tri Datu Berisi Suna-Jangu". www.nusabali.com (ring Inggris). Kaaksés 2022-05-22.