Kekerasan ring anak istri inggih punika silih tunggil kekerasan berbasis génder sané kantun wénten ring gumi.[1] Manut ring lelintihannyané, perjuangan anak istri ngrereh keseteraan génder sampun wénten duk nguni. Idéologi patriarki minakadi silih tunggil faktor sané ngawinang kekerasan ring anak istri kantun wénten kantos mangkin. Konsép patriarki maosang, kawéntenan anak istri wantah subordinat yéning kasandingang antuk genah sosial anak lanang sané superior. Kekerasan sakadi punika satata kaprecaya pinaka silih sinunggil soroh kejahatan sané ngawinang sangkala,[2] utaminnyané santukan akéhan korbannyané anak istri, tur parilaksanané puniki mabinayan pisan.
Manut ring Perméndikbudristék Nomor 46 Tahun 2023 unduk Pencegahan miwah Penanganan Kekerasan ring Wewengkon Satuan Pendidikan, kekerasan kapah dados kekerasan psikis, kekerasan fisik, perundungan, kekerasan seksual diskriminasi miwah kebijakan sané madaging kekerasan.[3] Asapunika taler manut ring Catatan Tahunan (Catahu) Komnas Perempuan, kocap wénten 289.111 kasus kekerasan majeng anak istri ring warsa 2023. Ring makudang-kudang kasus, korban ketahnyane mayusa alitan utawi kantun kasoran ring pendidikan. Kawéntenan kekerasan ring anak istri kocap sayan nincap kantos 44% lan 176% ring wewidangan negara.[4]
Kekerasan nenten ja wantah tanggung jawab LSM utawi pemerintah kémanten. Nika mawinan peran kramané sareng sami mabuat pisan antuk ngicalang kawéntenan kekerasan puniki.
↑"Definisi dan Bentuk Kekerasan". 6 (enam) bentuk kekerasan yang didefinisikan dalam Permendikbudristek Nomor 46 Tahun 2023 tentang Pencegahan dan Penanganan Kekerasan di Lingkungan Satuan Pendidikan. 2024. Kaaksés 17 Maret 2024.
↑"Siaran Pers". Komnas Perempuan | Komisi Nasional Anti Kekerasan Terhadap Perempuan (ring Inggris). Kaaksés 2024-03-17.
Kelly, Liz (December 2005). "Inside outsiders: Mainstreaming violence against women into human rights discourse and practice". International Feminist Journal of Politics. Taylor and Francis. 7 (4): 471–495. doi:10.1080/14616740500284391.CS1 maint: ref=harv (link)
Wagner, Natascha (March 2013). Why female genital cutting persist?(PDF). Working Paper. University of Rotterdam. Kaarsipin saking versi asli(PDF) tanggal 2022-05-03. Kaaksés 2020-02-01. Unknown parameter |dead-url= ignored (help)