Library of Congress Control Number

Library of Congress Control Number (LCCN; basa Bali: Nomor Kontrol Kapustakaan Kongrés) inggih punika sérial mabasis sistem panomoran catetan katalog ring Kapustakaan Kongrés, ring Amérika Serikat. Puniki nénten mapaiketan sareng daging buku napi-napi, taler nénten dados kapatehang sareng Klasifikasi Kapustakaan Kongrés (LCC).

Lelintihan

Sistem panomoran LCCN sampun kaanggén saking warsa 1898, duk sané lintang nika acengan LCCN ring pamahbahné punika ancengan saking Library of Congress Card Number.^[1][2] Punika taler kasengguh Library of Congress Catalog Card Number, riantara parinama liyanan. Kapustakaan Kongrés nyadiayang kartu informasi bibliografi antuk katalog kapustakaan dané miwah pacang ngadol turunan sét kartu nuju kapustakaan liyanan antuk kaanggén ring katalog dané. Punika kaloktah dados katalogisasi kapusat. Sawilang sét kartu kaicain nomor séri antuk ngawantu manguningin.

Yadiyastun makéhan informasi bibliograpi mangkin kakardi, kasimpan, miwah kawedar sacara éléktronik sareng kapustakaan liyanan, kantun wénten kaperluan antuk manguningin sawilang catetan unik, krana punika LCCN kantun ngamargiang swadharman punika.

Pustakawan ring sajebag guminé nganggé pangidentifikasi unik ring jero prosés ngardi katalog makéhan buku sané sampun kawedar ring Amérika Serikat. Puniki ngawantu dané ngamolihang data katalogisasi sané patut (kasengguh dados catétan katalogisasi), sané kasediayang olih Kapustakaan Kongrés miwah sang katiga ring Wéb miwah saking média liyanan.

Ring Pébruari 2008, Kapustakaan Kongrés ngardi layanan LCCN Permalink, nyadiayang URL sané tegteg antuk makasami Nomor Kontrol Kapustakaan Kongrés.^[3][4]

Format

Ring rupa aled nyané, nomor punika ngajangkepin warsa miwah nomor séri. Warsa ngelah kalih digit antuk 1898 ngantos 2000, miwah papat digit saking 2001. Tiga warsa ambigu (1898, 1899, miwah 1900) kabinayang mawit ukuran nomor séri. Wénten makudang kasoléhan ring angka sané kakawitin "7" krana éksperimemén sané kamargiang riantara warsa 1969 miwah 1972 sané ngawewehin turéksa angka.^[2]

Nomor seri madaging nem digit miwah patut nyarengang angka nol ring ajeng.^[5] Angka nol ring ajeng sané ngadagingin nomor punika wewehan sané langkung anyar antuk format, ring akéhan karya lawas pacang nyinahang kode sané kirang jangkep. tanda hubung sané ketah kacingak melasang warsa miwah nomor seri punika opsional. Wawu-wawu niki, Library of Congress sampun nganikayang pawedar antuk nénten nyarengang tanda hubung.

Cingak taler

• Accession number (ilmu kapustakaan)
• Authority control
• Books in the United States
• International Standard Book Number (ISBN)
• Library of Congress Subject Headings (LCSH)
• Virtual International Authority File (VIAF)

Pustaka

1. "Types of Numbers Found in LC Catalog Records". catalog.loc.gov. Kaaksés 2021-01-18.
2. "Structure of the LC Control Number". Network Development and MARC Standards Office. Library of Congress. 16 June 2006. Kaaksés 18 January 2021.
3. "Library of Congress Update for 2008 ALA Annual Conference: January-May, 2008". Kaarsipin saking versi asli tanggal 2017-08-28.
4. "LCCN Permalink Frequently Asked Questions". Library of Congress. Kaaksés 18 Januari 2021.
5. "The LCCN Namespace". Network Development and MARC Standards Office. Library of Congress. 10 November 2003. Kaaksés 18 January 2021.

Pranala jaba

Wikidata madué properti, P1144, anggén P244 (cingak panganggén)

• Library of Congress Name Authority File (NAF)
• Bibliographic Processing Cataloging Rules: Library of Congress Control Number (LCCN) at the Wayback Machine (archived 2016-05-13)