Philip Johnson

Philip Johnson
Johnson yusa 95, sareng modél patung sané kabesen pribadi (2002)
EmbasPhilip Cortelyou Johnson
(1906-07-08)8 Juli 1906
Cleveland, Ohio, A.S.
Séda25 Januari 2005(2005-01-25) (yusa 98)
New Canaan, Connecticut, A.S.
AlmamaterSekolah Pascasarjana Desain Harvard
PakaryanArsiték
PangormatanPritzker Prize (1979)
AIA Gold Medal (1978)
WangunanGlass House, Seagram Building's 2 restaurants, 550 Madison Avenue, IDS Tower, PPG Place, Crystal Cathedral
IMDB: nm0426004 Uah nilai ring Wikidata

Philip Cortelyou Johnson (8 Juli 1906 – 25 Januari 2005) inggih punika jadma arsitek Amérika sané ngarancang arsitéktur modérn lan postmodérn. Pantaraning desainnyané sané pinih kaloktah inggih punika modernisnyané Umah Kaca ring New Canaan, Connecticut; postmodern 550 Madison Avenue ring Kota New York, ngarancang antuk AT&T; 190 South La Salle Street ring Chicago; Taman Patung Museum Seni Modérn Kota New York; miwah Paviliun Pra-Columbus ring Dumbarton Oaks. Obituarinyané sasih Januari 2005 ring The New York Times nlatarang pakaryannyané "sané sampun kasengguh pinaka mahakarya arsitéktur abad ka-20".[1]

Ring warsa 1930, Johnson dados direktur pertama departemén arsitéktur museum seni modern ring New York. Irika ida ngatur kunjungan olih Walter Gropius lan Le Corbusier saha ngarencanayang komisi Amérika pertama antuk Mies van der Rohe, sawusan ida ngungsi saking Jerman Nazi. Ring warsa 1932, ida sareng Henry-Russell Hitchcock ngatur prasara kapertama sané kadedikasiang antuk arsitéktur modern ring museum seni modérn, sané ngicenin wasta saking gerakan salanturné sané kauningin pinaka gaya internasional. Ring warsa 1934, Johnson ngundurang raga saking jabatannyané ring museum.

Ring warsa 1930-an, Johnson dados pangagum sane banget majeng ring Adolf Hitler, antuk ngenahang ngajum Partai Nazi, lan ngajegang pandangan antisemit.[2][3][4] Ida nyurat antuk "Social Justice" miwah Examiner, irika ida ngamedalang tinjauan sané ngajum indik Mein Kampf Hitler.[5] Daweg warsa 1939, dados korespondén Social Justice, ida nyaksiang Hitler invasi Polandia, sané raris ida gambarang pinaka "pebalihan sané ngawinang ngresresin".[6]Ring warsa 1941, sasampun AS ngeranjing ring yud, Johnson nadak nulak pandanganné sadurungné, ngalinin jurnalistik, ngatur liga anti-Fasis ring Sekolah Desain Harvard. Ida kaselehin olih FBI, miwah pamuputnyané karesikin antuk dinas militér.[1] Dané ngelidin tuduhan miwah penjara antuk maprakanti sareng jaksa, yadiastun, manut makudang-kudang kritikus, minab santukan paiketan sosialnyané, sakéwanten nénten wénten bukti indiké puniki sané naenin kamedalang.[7]Warsa-warsa salanturnyane ida pacang nyambatang parikrama puniki pinaka "indik sané pinih belog sané naenin laksanayang titiangMal:Space[sane] nénten naenin prasida titiang tebus".

Ring warsa 1978, ida kapicain American Institute of Architects Medali Mas. Daweg warsa 1979, ida inggih punika panampi kapertama Paica Arsitéktur Pritzker.[8] Rahima mangkin gedung pencakar langitnyané dados landmark ring cakrawala New York, Houston, Chicago, Detroit, Minneapolis, Pittsburgh, Atlanta, Madrid, miwah kota liyanan.

Pustaka

[uah | uah wit]
  1. ↑ 1,0 1,1 Pikobet nganggit: Tag <ref> tidak sah; tidak ditemukan teks untuk ref bernama NYT-obit
  2. ↑ Saval, Nikil (December 12, 2018). "Philip Johnson, the Man Who Made Architecture Amoral". The New Yorker (ring Inggris). ISSN 0028-792X. Kaaksés April 23, 2024. Johnson inggih punika anti-Semit miwah panunjang sané kuat saking kekuasaan kelas penguasa. (...) Wiakti, meweh pisan antuk mikayunin anak Amerika sane sukses sakadi Johnson sane nglebur rasa tresna ring Fasisme antuk semangat lan kabuka. (...) Johnson salanturnyane pacang nlatarang Hitler pinaka “tukang mantra”; ring warsa 1964, becik sesampun dane sampun kapaksa nulak masa lalu Nazinyane, dane negesang ring sewala-sewala ring warsa 1930-an indik Hitler “becikan pantaraning Roosevelt.”
  3. ↑ Budds, Diana (December 1, 2020). "Artists to MoMA: Take Down Philip Johnson's Name". Curbed (ring Inggris). Kaaksés April 23, 2024. Johnson nlatarang ngrauhin reli Nazi ring Jerman pinaka “sane ngawinang bagia” lan mautsaha ngadegang partai politik fasis ring Amérika Serikat.
  4. ↑ Bahr, Sarah (December 3, 2020). "Artists Ask MoMA to Remove Philip Johnson's Name, Citing Racist Views". The New York Times (ring Inggris). ISSN 0362-4331. Kaaksés April 23, 2024. Ida taler nyarengin sudut pandang supremasi rasis miwah kulit putih duk kantun muda. Simpati Nazi Johnson, umpaminyane, sampun kadokumentasiang becik (...)
  5. ↑ Lamster, Mark (October 31, 2018). "Was Architect Philip Johnson a Nazi Spy?". New York Magazine (ring Inggris). Kaaksés April 23, 2024.
  6. ↑ "Artists Are Calling on MoMA to Remove Philip Johnson's Name". Architectural Digest (ring Inggris). December 3, 2020. Kaaksés April 23, 2024.
  7. ↑ "Famed Architect Philip Johnson's Hidden Nazi Past". Vanity Fair (ring Inggris). April 4, 2016. Kaaksés April 23, 2024. Sapunapi Johnson, sané sujati padidian ring pantaraning sawitra Fasisnyané, prasida ngelidin tuduhan? Pasaurnyané minab magenah ring pengaruh sawitra sané sakti. Asiki anak lanang khususnyané prasida mapangaruh: (...) Nelson Rockefeller, sané uning Johnson becik saking aab-aabnyané ring New York.
  8. ↑ Goldberger, Paul (May 23, 1979). "Philip Johnson Awarded $100.000 Pritzker Prize." Retrieved August 1, 2011.