Poerbatjaraka

Indik musikus miwah komponis Indonésia sané maaran mirib cara homofonik, cingak Purwacaraka.

Prof. Dr. RM. Ng. Poerbatjaraka
Informasi pragaan
Embas	(1884-01-01)1 Januari 1884 Surakarta, Kasunanan Surakarta, Hindia Belanda
Séda	25 Juli 1964(1964-07-25) (yusa 80) Jakarta, Indonésia
Setra	Karet Bivak, Jakarta, Indonésia
Kawangsaan	Indonésia
Rabi	BRAy. Roosinah Poeger RAy. Moesimah
Oka	RAj. Ratna Saraswati Poerbatjaraka RAy. Ratna Himawati Poerbatjaraka Prof. RM. Purnadi Poerbatjaraka SH.
Rerama	K.RM.T. Poerbodipoero Yoedonegoro (bapak) RAy. Semu Prawirancono (ibu)
Alma mater	Univérsitas Leiden
Kasub mawinan	Pakar sastra Jawa Kuno
Penghargaan sipil	Anggota kehormatan Koninklijk Instituut voor Taal-, Land- en Volkenkunde Kehormatan anumerta Bintang Mahaputera Utama

Poerbatjaraka inggih punika ilmuwan Jawa taler budayawan sané utamannyané sutindih ring sastra Jawa Kuno. Poerbatjaraka madué wasta inggih punika Prof. Dr. Radén Mas Ngabéhi Poerbatjaraka. Ida embas ring Surakarta, warsa 1884 tur séda ring Jakarta, warsa 1964, ri tatkala mayusa sawatara 80 warsa.

Ajin idané inggih punika sentana dalem keraton Kasunanan Surakarta sané maparab Kanjeng Radén Mas Tumenggung Purbadipura. Ajin idané silih tunggil sastrawan sané ngaryanin perjalanan-perjalanan Sunan Pakubuwana X ring wentuk tembang. Poerbatjaraka madué wastan alit inggih punika Lesya. Ida ngranjing ring HIS (Hollandsch-Indische School) salami 7 warsa. Drika ida malajah basa Melayu, basa Belanda, miwah kaweruhan sané tiosan. Ida seneng ngewacén buku utawi lontar sastra. Ritatkala ida kantun truna, ida sampun malajah ngawacén kitab-kitab Jawa Kuno sané marupa manuskrip. Ida ngamolihang kitab punika ring perpustakaan ajinnyané. Ida kayun mlajahin sastra Jawa Kuno ri tatkala kacunduk buku sané kasurat olih Prof. Dr. Hendrik Kern.

Poerbatjaraka naenin ngirim séwalapatra ka Résiden Surakarta. Santukan ida wikan ring kaweruhan, Résiden Surakarta ngicénin ida tugas ring Batavia/Jakarta warsa 1910. Irika ida makarya sareng Dinas Purbakala ring Muséum Gajah. Ritatkala punika ida ngamolihang wasta Poerbatjaraka. Wastan puniki mawit saking kruna Purba sakadi wastan ajinnyané miwah Caraka saking aksara Hanacaraka sané madué arti utusan.

Indik kulawarga, Poerbatjaraka marabian sareng B.R.A. Roosinah Poeger, tur madué pianak istri sané mawasta R.Ay.Ratna Himawati. Sasampun kemerdékaan Indonésia, ida makarya dados profésor ring Univérsitas Indonésia (Jakarta), Univérsitas Gadjah Mada (Yogyakarta) miwah Univérsitas Udayana (Dénpasar, Bali). Sawiréh sutindih ring kaweruhan, ring Dénpasar ida ngwangun Fakultas Sastra. Ring Fakultas Sastra sané mangkin mawasta Fakultas Ilmu Budaya Univérsitas Udayana, wastan ida kaanggén wastan gedung sawiréh ida berjasa ring pendidikan.

Pustaka

Pustaka lianan

• Poeze, Harry A. (2008). Di Negeri Penjajah: Orang Indonesia di Negeri Belanda, 1600-1950. Jakarta: Kepustakaan Populer Gramedia. pp. 181–183. ISBN 978-979-91-0749-7.
• "Damar Jati". Kuciwane Trah Poerbatjarakan. 2 (32): 42. 2006. ISSN 1858-2575.

Jurnal

• Pigeaud, Th. (1966). "In Memoriam Professor Poerbatjaraka". Bijdragen tot de Taal-, Land- en Volkenkunde. Leiden. 122 (4): 404–412. doi:10.1163/22134379-90002918. ISSN 0006-2294. JSTOR 27860637.
• Ricklefs, M. C. (1985). "In Memoriam Dr. H. J. de Graaf: 2 December 1899 — 24 August 1984". Bijdragen tot de Taal-, Land- en Volkenkunde. Brill. 141 (2/3): 191–201. JSTOR 27863672.
• van der Méij, Dick (2006). "Prof. Dr. R.M. Ng. Purbatjaraka Tokoh Jawa Dalam Dunia Ilmu Pengetahuan Kesusastraan Jawa". Perpustakaan Nasional Indonésia (The National Library of Indonésia). Archived 2017-08-22 at the Wayback Machine
• "Poerbatjaraka". tirto.id. Kaaksés 2017-05-21.
• "Prof. Dr. R.M. Ng. Poerbatjaraka: Doktor Tanpa Ijazah Sekolah Dasar (1)". Urip Mung Sakderma Ngelampahi. Kaaksés 2020-07-04.
• "Prof. Dr. R.M. Ng. Poerbatjaraka: Doktor Tanpa Ijazah Sekolah Dasar (2)". Urip Mung Sakderma Ngelampahi. Kaaksés 2020-07-04.
• Anderson, Benedict R. O'G (2006). Language and Power: Exploring Political Cultures in Indonésia. Equinox Publishing. ISBN 978-979-3780-40-5.
• Hall, Daniel George Edward (1961). Historians of South East Asia. Oxford University Press.