Sadewa
| सहदेव | |
|---|---|
 Sadewa pinaka tokoh pewayangan Jawa. | |
| Tokoh Mahabharata | |
| Wastan | Sadewa |
| Ejaan Déwanagari | सहदेव |
| Ejaan IAST | Sahadéva |
| Wastan liyanan | Tantipala |
| Kitab pustaka | Mahabharata, Purana, Bhagawadgita |
| Saking | Hastinapura, Kerajaan Kuru |
| Genah | Hastinapura dan Indraprastha |
| Kasta | Kesatria |
| Dinasti | Candra |
| Klan | Kuru |
| Senjata | Pedang |
| Aji | Aswin (de facto) Pandu (sah) |
| Biyang | Madri |
| Rabi | Dropadi, Wijaya |
| Okan | Srutakama (dengan Dropadi), Suhotra (dengan Wijaya) |
Sadewa (Déwanagari: सहदेव; IAST: Sahadéva) inggih punika silih tunggil tokoh protagonis ring wiracarita Mahabharata. Dane Pandawa sane pinih paling alit, nenten lian wantah semeton kembar Nakula. Yadiastun kembar, Nakula kocap madue rupa sane bagusan yening bandingang sareng Sadewa. Nanging indik kapradnyanan, Sadewa duegan yening bandingang sareng Nakula. Ring widang astronomi, kaduegan Sadewa joh tanding sareng sisya-sisya Drona sane lianan. Lianan ring punika dane taler wikan ngubuh sampi. Punika mawinan rikala Pandawa nyalanin ukuman, nyilib awarsa ring Panegara Matsya sangkaning kalah majudi nglawan Korawa, Sadewa milih pakaryan dados pangangon sampi mawasta Tantripala. Yadiastun Sadewa punika sane pinih alit ri sajeroning para Pandawa, nanging dane sane pinih wicaksana. Yudistira naenin nyambatang indik Sadewa sane wicaksana nglebihin Wrehaspati, guru para dewa. Sadewa puniki taler cacep ring palelintangan, surya, toya lan strategi mayudha.
Sadewa sane pinih alit ri sajeroning para Pandawa, inggih punika wastan anggen nyambatang putran Pandu makalalima. Pandu nenten lian wantah raja ring Hastinapura. Sadewa miwah semeton kembar dane embas saking Putri panagara Madra sane maparab Dewi Madri (ring pewayangan mawasta Madrim). Malianan sareng rakan dane tatiga inggih punika Yudistira, Bimasena, lan Arjuna sane kaembasang olih Dewi Kunti. Yadiastun asapunika, Sadewa kocap oka sane pinih kasayangang olih Dewi Kunti. Nakula lan Sadewa embas sangkaning paswecan dewa kembar mawasta Aswin, wireh Pandu duk punika keni pastu, nenten mrasidayang parek namtamin karasmin sareng rabine. Makakalih embas ring tengahing wana ri tatkala Pandu dados patapa.