Santanu
| सांतनु | |
|---|---|
 Santanu kacunduk sareng Dewi Gangga ring sisin tukad Gangga. | |
| Tokoh Mahabharata | |
| Wastan | Santanu |
| Ejaan Déwanagari | सांतनु |
| Ejaan IAST | Śāntanu |
| Kitab pustaka | Mahabharata |
| Saking | Kerajaan Kuru |
| Genah | Hastinapura |
| Golongan | Candrawangsa |
| Kasta | kesatria |
| Pakaryan | raja |
| Dinasti | Kuru |
| Aji | Pratipa |
| Biyang | Sunanda |
| Rabi | |
| Okan |
|
| Para Raja |
| Hastinapura |
|---|
 |
| Tokoh wiracarita Mahabharata |
|
Hasti · Ajamida · Reksa · Sambarana · Kuru · Pratipa · Santanu · Citrānggada · Wicitrawirya · Pandu · Dretarastra · Yudistira · Parikesit · Janamejaya |
Santanu (Déwanagari: सांतनु; IAST: Śāntanu) inggih punika tokoh protagonis ring wiracarita Mahabharata. Dane oka pinih alit Raja Pratipa saking trah Candrawangsa, pratisentana Maharaja Kuru. Dane madue raka kakalih, inggih punika mawasta Dewapi miwah Bahlika sane nenten nerusang takhta kerajaan. Santanu nenten sios wantah rabine Dewi Gangga miwah Satyawati. Dane taler ajine Bisma, Citrānggada, miwah Wicitrawirya. Dane dados raja ring Hastinapura, keraton para pratisentana Kuru ring Kerajaan Kuru.
Ring Adiparwa, kitab kapertama Mahabharata kacaritayang Santanu punika putran Raja Pratipa sareng Ratu Sunanda, pratisentana Raja Kuru, sane ngembasang kulawarga para Pandawa dan Korawa. Manu Adiparwa, Santanu mawit saking kruna çanta (maartos tenang), wireh Pratipa mrasa tenang duk putran dane embas. Mahabrata ngambarang Santanu punika raja sane bagus, wikan nganggen sekancan sanjata, tur seneng maboros ka alase. Duk ajine pacang wusan dados raja, rakane Santanu makakalih, sane mawasta Dewapi miwah Bahlika nenten kayun ngwarisin takhta. Dewapi—sane ngraksa kusta—mamilih idup dados patapa. Bahlika mamilih idup nutug uwane, luas ka India Barat. Punika mawinan Santanu sane ngentosin ajine dados raja ring Hastinapura.