Situs Trowulan

Situs Trowulan inggih punika wawidangan kapurbakalaan saking aab klasik lelintihan Indonésia sané magenah ring Kecamatan Trowulan, Kabupatén Mojokerto, Jawa Kangin. Makudang temuan sané kaangkat irika nujuang cecirén paumahan sané cukup maju. Mawit kronik, prasasti, simbol, miwah catetan sané kacunduk ring nampek wawidangan punika, kaduga kuat situs puniki mapaiketan sareng Krajan Majapahit.

Wawidangan kaadegang nyané struktur-struktur ageng (candi, makam, miwah telaga) ngacangkupin wawngkon sawatara 25 km², sané kakepah olih marga nasional sané mihubungin kota Jombang miwah Surabaya. Sapunika, temuan-temuan sané kapendem kauningin magenah ring jaba wawidangan punika miwah ngacangkupin wawengkon sané langkung jimbar antuk ukuran 99 km², punika ngacakupin taler wawidangan kangin Kabupatén Jombang.

Situs Trowulan sané mangkin ngeranjing lis téntatif antuk kaajuang dados Situs Tetamian Jagat UNESCO saking warsa 2009.