Sri Kesari Warmadéwa

Sri Kesari Warmadéwa inggih punika sang Raja Bali kapertama sané ngardi prasasti, Prasasti Blanjong, sané kantun wénten rahinané mangkin ring Sanur Kelod.

Prasasti Blanjong kasurat ring warsa 914 M antuk basa Sansekerta miwah basa Bali Kuna nganggén aksara Nagari miwah aksara Bali Kuna.[1] Prasasti punika maosang prakanti ring pantaraning Bali sareng Wangsa Sanjaya ring Jawa Tengah.[2]

Sri Kesari kasengguh pinaka raja sané ngadegang wangsa Warmadéwa sané jaya ring rat, raris ngamedalang sentana sané akéh pisan saha wénten sané madeg ratu silih tunggil nyané inggih punika Udayana Warmadéwa.[3]

Manut prasasti Blanjong, Sri Kesari inggih punika raja magama Buddha sané masoroh wangsa Sailéndra miwah idané ngutus prajurit mangda ngadegang ajah-ajahan Buddha Mahayana ring Bali.[4]

Pustaka

[uah | uah wit]
  1. ↑ Debbie Guthrie Haer, Juliette Morillot and Irene Toh, Haer (2001). Bali, a traveller's companion. Editions Didier Millet. ISBN 978-981-4217-35-4
  2. ↑ Andy Barski, Albert Beaucort and Bruce Carpenter, Barski (2007). Bali and Lombok. Dorling Kindersley, London. ISBN 978-0-7566-2878-9
  3. ↑ Angela Hobart, Urs Ramseyer, Albert Leemann (2001), The People of Bali, Wiley
  4. ↑ Lesley Reader, Lucy Ridout (2002), The Rough Guide to Bali and Lombok, The Rough Guides