Taman Nasional Aulavik | |
---|---|
IUCN Kategori II (Taman Nasional) | |
Genah | Nusa Banks, Wawengkon Kalér Kauh, Kanada |
Nampek kota | Labuhan Sachs, Yellowknife |
Jimbar | 12,200 km2 (4,700 sq mi) |
Kaadegang | 1992 |
Sané Ngalola | Parks Canada |
Situs web | Taman Nasional Aulavik |
Taman Nasional Aulavik (/ˈaʊləvɪk/ OW-lə-vik);[1] saking kruna Inuvialuktun antuk "genah jadma melali") inggih punika taman nasional sané magenah ring Nusa Banks ring Wawengkon Kalér Kawan Kanada.[2] Kaloktah krana aksésnyé nuju Tukad Thomsen, silih tunggil tukad pinih kalér sané prasida kalayarin ring Amérika Kalér.[2] Taman puniki nyaibin sawatara 12,274 kilométer persegi (4,739 sq mi) saking Dataran Éndép Arktik ring ujung kalér nusa.[2][3] Cara pinih praktis antuk ngarauhin taman puniki sekadi nyéwa kapal terbang,[3] miwh sané mangkin taman punika madué papat genah pandaratan.[4] Aulavik kaanggep manados gurun kutub miwah ketah keni angin kenceng. Curah sabeh antuk taman punika swatara 300 mm (12 in) per warsa.[5] Ring wawengkon kelod taman, dataran tegeh mavegetasi akedik ngantos kategehan 450 m (1,480 ft) duur pamukaan segara.[6]