Taman Nasional Kruger | |
---|---|
Zébra Burchell ring lanskap Kruger | |
Genah taman (wawengkon barak) ring Afrika Kelod | |
Genah | Propinsi Limpopo miwah Mpumalanga, Afrika Kelod |
Nampek kota | Mbombela (kelod) Phalaborwa (tengah) |
Koordinat | 24°0′41″S 31°29′7″E / 24.01139°S 31.48528°EKoordinat: 24°0′41″S 31°29′7″E / 24.01139°S 31.48528°E |
Jimbar | 19,623 km2 (7,576 sq mi)[1][2][3] |
Kaadegang | 31 Méi 1926[4] |
Karauhin | 1,659,793 (1,277,397 tamiu tengai, 382,396 nginep)[5] (warsa 2014-15 warsa kajinahan) |
Sané Ngalola | Taman Nasional Afrika Kelod |
http://www.sanparks.org/parks/kruger/ |
Taman Nasional Kruger inggih punika Taman Nasional ring Afrika Kelod miwah silih tunggil cagar palemahan pinih ageng ring Afrika. Punika ngajangkepin wawengkon antuk jimbar 19,623 km2 (7,576 sq mi) ring propinsi Limpopo miwah Mpumalanga ring kalér kangin Afrika Kelod, taler ngajimbar 360 km (220 mi) saking kalér nuju kelod lan 65 km (40 mi) saking kangin nuju kawan. Kantor pusat administrasi nyané magenah ring Skukuza. Wawengkon taman kapertama kasaibin olih pameréntah Républik Afrika Kelod ring warsa 1898, miwah manados taman nasional kapertama ring Afrika Kelod ring warsa 1926.
Ring sikawan tur sikelod Taman Nasional Kruger wénten kalih propinsi Limpopo miwah Mpumalanga ring Afrika Kelod. Sikalér punika Zimbabwe, miwah sikangin punika Mozambik. Mangkin dados pahan saking Taman Lintas Wates Limpopo Ageng, taman padaméan sané mingubungin Taman Nasional Kruger sareng Taman Nasional Gonarezhou ring Zimbabwe, miwah sareng Taman Nasional Limpopo ring Mozambik.
Taman punika pahan saking Biosfér Ngarai Kruger, satunggil wawengkon sané katetapang olih UNESCO dados Cagar Manusa miwah Biosfér Internasional.[6]