Umah Kasepuhan

Umah Kasepuhan inggih punika silih tunggil umah adat ring Cirebon, Jawa Barat. Umah Kasepuhan Cirebon puniki kawangun olih Pangeran Cakrabuana duk warsa 1529. [1]

Kepahan

[uah | uah wit]

Wangunan umah adat puniki madue makudang-kudang pahan, minakadi ring sor puniki.

  1. Pintu gerbang utama keraton pinaka sarana medal miwah ngranjing. Genah gerbang utama puniki mapinda minakadi jembatan sane magenah ring baler umah. Pintu gerbang utama ketah kabaos Kreteg Pangrawit, sane wit saking kruna 'Kreteg' madue artos manah miwah kruna 'Rawit' sane madue artos alus. Dadosnyane Kreteg Pangrawit puniki nyihanayang jadma sane madue jiwa alus miwah becik pikayunannyane.
  2. Wangunan Pancaratna pinaka genah para pejabat desa kacunduk Demang utawi Wedana. Ukuran wangunan Pancaratna inggih punika 8 x 8 meter. Raab wangunan puniki nganggen genteng. Ring puncaknyane wenten mamolo sane ngawinang wangunan puniki tegeh. Wangunan puniki dumun kanggen pinaka genah masadu ajeng sareng pejabat desa sane kasanggra olih Demang utawi Wedana.
  3. Wangunan Pangrawit pinaka genah pelatihan prajurit, genah masandekan, miwah pengadilan. Pateh minakadi wangunan Pancaratna, wangunan puniki madue ukuran 8 x 8 meter. Binannyane, wangunan puniki nenten madue tembok. Wangunan puniki madue tiang sane akehnyane 16.
  4. Komplek Siti Inggil magenah ring natar ajeng keraton miwah kawigunayang pinaka genah malinggih para pengawal raja. Langgar Agung genahnyane ring natar kadua ring keraton, wigunannyane pinaka genah ibadah para kulawarga miwah sameton keraton. Wangunan induk keratos kawigunayang pinaka genah aktivitas sultan.
  5. Risajeroning Umah Kasepuhan wenten wenten kalih natar. sane kapretama inggih punika Komplek Siti Inggil. Ring komplek puniki wenten sane mawasta Mande Pendawa Lima sane kanggen genah malinggil pengawal raja. Mande Karesmen kanggen pinaka genah kesenian sane katurang ring Raja. Mande Malang Semiran sane kawangun pinaka genah malinggih raja rikalaning miarsayang acara ring alun-alun. Pengada pinaka genah magiang berkat taler kanggen genah pamereksan. Mande Semar Timandu kanggen pinaka genah malinggih penghulu utawi penasihat raja. Mande Pengiring kanggen genang ngiringang raja.
  6. Natar ping kalih ring Umah Kasepuhan inggih punika natar Pengada miwah Kompleks Langgar Agung. Natar Pengada madue ukuran 37 x 37 meter miwah kawigunayang pinaka genah parkir palinggihan utawi kuda. Kompleks Langgar Agung madue wangunan utama sane ukurannyane 6 x 6 meter, miwah teras sane maukuran 8 x 2,5 meter. Wangunan puniki kawangun majeng kangin.
  7. Natar ping tiga puniki pinaka natar ping untat sane wenten ring Umah Kasepuhan. Natar ping kalih miwah natar ping tiga puniki kawatesin antuk gerbang sane maukuran 4 x 6,5 x 4 meter. Gerbang puniki bahannyane saking kayu. [2]

Pustaka

[uah | uah wit]
  1. ↑ Media, Kompas Cyber (2021-05-04). "Keunikan Rumah Kasepuhan, Cirebon". KOMPAS.com (ring Indonesia). Kaaksés 2023-02-13.
  2. ↑ Amida, Athiah (2023-01-25). "Detail Menarik Rumah Adat Keraton Kesepuhan Cirebon". Pinhome (ring Inggris). Kaaksés 2023-02-13.