Univérsitas Brawijaya
 Brawijaya University | |
|---|---|
  Informasi | |
Nama sebelumnya | Gemeentelijke Universiteit |
| Moto | Building Up Noble Future |
| Jenis | Perguruan Tinggi Badan Layanan Umum |
| Didirikan | 5 Januari 1963 |
| Dana abadi | Rp. 5,12 Triliyun (US$ 768,1 Million) |
| Rektor | Prof. Dr. Ir. Nuhfil Hanani AR, M.S. |
| Akéh mahasiswa | 73.133 (2018)[1] |
| Margi | , , 7°57′20.00″S 112°36′45.88″E / 7.9555556°S 112.6127444°E |
| Kampus | Urban; Kota Malang (I Ketawanggedé, Dieng, II Kediri III Jakarta) |
| Warna | Biru dongker |
| Afiliasi | ASAIHL,[2] AUAP,[3] APAIE, AUN, APRU, FUIW, ASEA-UNINET |
| Situs web | www |
    | |
Universitas Brawijaya (UB) inggih punika silih tunggil perguruan tinggi ring Indonésia sané ngadeg ring warsa 1963 magenah ring Kota Malang, Jawa Timur manut Ketetapan Menteri Pendidikan dan Ilmu Pengetahuan No.1 tanggal 5 Januari 1963. Tanggal punika salanturnyané katetepang manados rahina Dies Natalis UB. Wasta Brawijaya kaicén olih Présiden Soekarno sané madué tetujon mangda prasida ageng tur masunar sakadi Raden Wijaya (Brawijaya I) pinaka pangripta Krajaan Majapahit taler pinaka kampus sané kasengguh utama ring jadma Indonésia. Universitas Brawijaya kabaos pinaka kampus sané pinih becik ring Indonésia tur limang warsa pinaka jayanti sané pinih becik sareng Universitas Indonésia, Institut Pertanian Bogor, Universitas Gadjah Mada, miwah Institut Téknologi Bandung manut panuréksan resmi Kemenristekdikti. Ring tincapan Internasional, UB ngrereh genah ka 51 ring wewidangan Asia miwah 400 ring makasami jagaté. UB madué petang kampus. Kampus sané pinih utama magenah ring sisi kauh Kota Malang (Ketawanggedé), miwah kampus kaping kali magenah ring Puncaking Dieng utawi sané kasengguh manados UB Dieng tur kaanggén pinaka sarana olahraga ring palemahan tur makudang-kudang sarana risét miwah perkuliahan. Sané lianan kampus katiga miwah kapat magenah ring Kediri miwah Jakarta. UB madué kasugihan jimbarnyané 981 héktar taler dana marupa jinah ngantos 5,12 Triliun Rupiah utawi US$ 768,1 Juta. Punika sané ngawinan Universitas Brawijaya manados kampus sané pinih ageng tur sugih ring ungkur Universitas Indonésia.[4][5]
Logo saking Universitas Brawijaya mawentuk garis lalima sané masikian antuk warna pelung-badeng sané nasarin. Ring tengahnyané wénten gegambaran arca Raden Wijaya (Brawijaya I) mawarna kuning emas, pinaka Déwa Wisnu sané madué tangan papat. Tangannyané ngemel damar, bekicot, gada miwah cakra. Sané lianan manados simbol Ciwa, Raden Wijaya nganggén mahkota sané kawastanin Candra Kapala. Ring sisi kiwa miwah tengen Raden Wijaya madué apasang Déwa Perwara manados parekan Raja. Antuk makasamian logo nyihnayang watek saking Universitas Brawijaya. Kawibawan kagambarang antuk warna kuning emas tur sakayang-kayang kagambarang antuk warna badeng. Bani ngusak-asik sané nénten becik utawi patut kagambarang antuk wentuk mahkota candra kapala. Patuh ring hukum kagambarang antuk wentuk gada. Bagi matehang napi sané kabaos nénten patut utawi becik sakadi simbol sanjata cakra. Makasami sané mapaiketan tur kabaos suci tur geginannyané manados pamiara sakadi Déwa Wisnu taler antuk simbol bekicot. Precaya indik kawéntenan zat sané urip kagambarang antuk lampu. Manut punika loko nyihnayang makasami watek Raden Wijaya (Brawijaya I) sané satata kadasarin antuk Pancasila.
- ↑ "Salinan arsip" (PDF). Kaarsipin saking versi asli (PDF) tanggal 2020-03-01. Kaaksés 2020-04-10. Unknown parameter
|dead-url=ignored (help) - ↑ http://www.seameo.org/asaihl/
- ↑ "Salinan arsip". Kaarsipin saking versi asli tanggal 2011-07-09. Kaaksés 2015-04-29. Unknown parameter
|dead-url=ignored (help) - ↑ "Archive copy". Kaarsipin saking versi asli tanggal 2013-09-21. Kaaksés 2019-10-05.CS1 maint: archived copy as title (link)
- ↑ "Archive copy". Kaarsipin saking versi asli tanggal 2019-10-18. Kaaksés 2019-10-05.CS1 maint: archived copy as title (link)