Das Erste
| Das Erste | |
|---|---|
| Sendalogo | |
 | |
| Oigmoane Info | |
| Empfang: | Digital: DVB-T2, DVB-C, DVB-C2, DVB-S, DVB-S2, IPTV |
| Sendeostoit: | ARD |
| Aflesung: | 576i (SDTV) 720p (HDTV) (Das Erste HD via Sat/Kabel/IPTV) 1080p (HDTV) (Das Erste HD via DVB-T2) |
| Intendant: | Tom Buhrow (Vorsitzender der ARD)[1] |
| Programmchef: | Christine Strobl[2] |
| Sendebeginn: | 12. Juli 1950 25. Dezember 1952 (Regelbetrieb) |
| Rechtsform: | Öffentlich-rechtlich |
| Programmtyp: | Vollprogramm |
| Hoamseitn: | www.daserste.de |
Das Erste (aa "Erstes Deutsches Fernsehen"), boarisch As Easchte is es easchte effentlich-rechtliches Feansähprogramm vo Deitschland. Es wiad oft aa "ARD" gnenne, wos owa net ganz stimmt, wei de ARD de Rundfunkaunstoit fia Das Erste is. Des Programm wiad vo da ARD (mid de regionaln Rundfungaunstoitn WDR, NDR, Radio Bremen TV, BR, MDR, RBB, SWR, SR, HR) gespeist.
Programm
[Werkeln | Am Gwëntext werkeln]De wichtigste Sendung vom Easchten is de Tagesschau, de wos meamois am Dog gsendt wiad. De Hauptausgob vo da Tagesschau lafft jedn Dog um 20:00 Uah und wird ah unter anderem vo de dritten Fernsehprogramme (NDR Fernsehen, Radio Bremen TV, BR Fernsehen, MDR Fernsehen, RBB Fernsehen, SWR Fernsehen, SR Fernsehen, HR Fernsehen) übanumma. Nu a wichtige Sendung vo Das Erste is de Sportschau, de imma am Wochend lafft und meistens an Iwablick iwa de deitsche Fuaßboi-Bundesliga gibt. Manchmoi gibt's aa Sondasendungen vo da "Sportschau", zum Beispiel bei Fuaßboispüü, alpine Skirennen oda bei Skispringa. Vo Monda bis Freida olle zaa Wochn lafft in da Frua vo 5:30 Uah bis 9:00 Uah des ARD Morgenmagazin und z Middog vo 13:00 Uah bis 14:00 Uah des ZDF Mittagsmagazin, in da ondan Wochn laffn zu de söwen Zeiten des ZDF Morgenmagazin und des ARD-Mittagsmagazin. Somit wechseln se jede Wochn de Kollegen vo ARD und ZDF ab. Erste stroit aa de erfoigreiche Telenovela Sturm der Liebe aus, de vo da ARD produziat wiad. Unta da Wochn um 18:00 Uah laffn abwechselnd de Quizshows Gefragt - Gejagt, moderiart vom Alexander Bommes und Wer weiß denn sowas?, moderiart vom Kai Pflaume. Am Freitog um 18:50 Uhr lafft mitm Quizduell-Olymp a weitere Quizsendung, de bis August 2022 vom Jörg Pilawa präsentiat wordn is, danach hod de Sportmoderatorin Esther Sedlaczek de Show übernumma. Am Wochnend und an Feiadog in da Frua lafft a Kindaprogramm unta da Programmarkn Check Eins.
Im Netz
[Werkeln | Am Gwëntext werkeln]DasErste.de DasErste Livestream Hoamseitn vo Das Erste Das Erste Mediathek mit Videos und Livestream des Ersten Deutschen Fernsehens
Beleg
[Werkeln | Am Gwëntext werkeln]- ↑ Intendanten-Konferenz: Tom Buhrow wird ARD-Vorsitzender. In: Spiegel Online. 18. Septemba 2019 (https://www.spiegel.de/kultur/tv/tom-buhrow-wdr-intendant-wird-ard-vorsitzender-a-1287369.html).
- ↑ quotenmeter.de ARD: Unterhaltungskoordinator Schreiber wird neuer Degeto-Chef, abgerufen am 1. Mai 2021