Dir en grey (oft a in Katakana-Schreibweisn ディル アン グレイ und de daraus obgleitete Kurzform Diru) san a 1997 gründete japanische Band aus Osaka. Se wern heifig ois Visual Kei-Band bezeichnet, weils ois a soichane bekaunt worn san und zu de erfoigreichsten Intepretn vo dem Genre zöhn. Wegn eanara zuanehmendn musikalischn und optischn Wandlung in de letztn Joar, werns a oft zum Begriff J-Rock dazuazöt.
Es gibt vaschiedene Iwasetzungen vom Bandnaum Dir en grey, de wos vo Fans im Internet verbreit worn san. Es wird davo ausgaunga, dass Dir an deitschn "dir", en an französischen oda spanischn "in" und grey am englischn "grau" entsprechn dat und eventuell mid "Dir graues Herz" oda in Aunlehnung ans Fanclub-Magazin 灰色の銀貨 (dt. haiiro no ginka) mid "graue Silbermünze" iwasetzt wern kinat.
S' Bandmitliged Kaoru hod se inzwischn mehrfoch dazua geäussat und moand, dass da Naum zua Zeid vo da Bandgründung a Bedeitung ghobt hod, de wos jiatzt owa nima a so stimmt und da Naum nix mehr bedeit. Da Naum is gwöht worn, wei a se richtig auhead und a Image reflektiert wos einzigoartig is.[1]