Der Artikl is im Dialekt Pongaurisch gschriem worn. |
Emotionoie Kompetenz is a Begriff, der wous im Bereich vo da Sozioipsychologie, Berufs- und Erwoggsanenpädagogik und in da gewerblichan Personoiberoutung und em Coaching vawendt weascht. Er is im Ramen vo da Thematisirung vo da Emozionoin Intelligenz (EQ) gengiwa am IQ entstondn und weascht vo vaschiadane Autorn in unterschiadlicher Bedeitung vawendt. As Konzept vo da emozionoin Kompetenz stommt urspringlich vo Salovey und Mayer (1989) und is vom Daniel Goleman (1996) populär gmocht woun. Er weascht haiffig ois Synonym fir Emozionoie Intelligenz gnitzt.
Emozionoie Kompetenz is d' Fähigkeit, mid eiganen und fremde Gfij umgee z' kenna, se im konkretn Kontext richtig zan beweaschtn und so Stress zan vameidn und Konflikte nid eskalirn zan loussn.
In ner weidern Definizion weascht a oitruistischer Osoutz bschrim, nämlich as persänliche Ooliang, mid da Hijf vo eigane Erforunga d' Entwicklung vo da Menscheit zan färdern. In da soizioi-kommunikatiavn Entwicklung iss nouch dem Osoutz her da dritte Schritt nouch da emozionoin Intelligenz (vuaoim Beziehungsfähigkeit zan Naggstn).