Harri Stojka

Harri Stojka, 2008
Harri Stojka (Gitarr) mit Jelena Krstic (Gsang) und Moša Šišic (Violin), 2010

Da Harri Stojka (* 22. Juli 1957 in Wean) is ana vau de wichtigstn östareichischn Jazz-Musikantn und ana vau de bekauntasdn Roma in Östarreich. Ois Multitalent is a Komponist, Sänga, Gitarrist und hod a eigane Gruppn grindt. Nem Jazz spüd a aa no Swing Musi. Sei Musi-Genre nennt ma aa Zigeina-Jazz (Gypsy Jazz, Gypsy Soul). Ea stähd damid in ana Reih midn Django Reinhardt.

Lem

[Werkeln | Am Gwëntext werkeln]

Da Harri Stojka kummt aus da Lovara-Rom-Dynastie vom Staum vo de Bagareschtschi, de wos vua 150 Joa aus da Walachei noch Östareich zogn san. Vo 200 Famüliemidgliedan haum nua 6 de Konzentrationsloga vau da Nazizeid iwalebt.

Mid segs Joa hod a midn Gitarrspün augfaungt. Sei gross Vuabüd san in seina Kindheit de Beatles wuan. Sei Vuanaum "Harri" kummt aa vaum George Harrison. Späda hod a mid vü legendärn Musikantn und Gruppn zaumgspüd.

1970 is a ois Jano + Harri Stojka zum easchdn Moi professionö auftretn. Späda is a ois Bossist bei Gipsy-Love vom Karl Ratzher eigstiegn. Glei drauf ois Gitarrist beim legendärn "Objektiv Truth Orchestra" vom Peter Wolf. Noch da Auflesung vo dea Gruppn hod a 1973 in easchdn "Harri Stojka Express" grindt. Vau 1977 bis 1980 wor da Harri Gitarrist bei da wüdn Novak's Kapelle, zu dea Zeid de easchde Punkgruppn vo Wean.

Oibn

[Werkeln | Am Gwëntext werkeln]
  • Harri Stojka Express - Sweet Vienna (1978)
  • Harri Stojka Express - Off The Bone (1980)
  • Harri Stojka - Live In Montreux (1981)
  • Harri Stojka Express - Camera (1981)
  • Harri Stojka Express - Tight (1982)
  • Harri Stojka Express - Brother To Brother (1985)
  • Harri Stojka Express - Live (1987)
  • Harri Stojka - Say Yes (1988)
  • Harri Stojka - Music For The People (1996)
  • Harri Stojka Gitancoeur - Gitancoeur (2000)
  • Harri Stojka Gitancoeur - Gon Shanel (CD Maxi)(2000)
  • Harri Stojka Gitancoeur - Unplugged (2002)
  • Harri Stojka - Live At The Roma Wedding (2004)
  • Harri Stojka - A Tribute To Swing (2004)
  • Harri Stojka Gipsysoul - Garude Apsa (Hidden Tears) (2005)
  • Stoika & Stojka - Just Another City (2008)
  • Mosa Sisic & Harri Stojka - In Between (2009)
  • Harri Stojka - Romano Suno/Gipsy Dream (Weihnochtszeit/Christmastime) (2010)
  • Harri Stojka Gitancoeur - Gitancœur d' Europe (2011)

Füm

[Werkeln | Am Gwëntext werkeln]
  • Gypsy Spirit. Harri Stojka. Eine Reise. Regie: Klaus Hundsbichler, Östareich / Indien 2010, 91 min

Im Netz

[Werkeln | Am Gwëntext werkeln]
 Commons: Harri Stojka – Sammlung vo Buidl, Videos und Audiodateien