Hera
Hera woar in da griachischn Mythologie de Geddin vo da Eh und da Gebuat, iah Naum bedeit "Herrin", wos af iahn Titl "Geddakenigin" hihweist. Se woar de ejdaste Tochta vo Kronos und Rhea.
Vaheirad woar se mid Zeus, dea gleichzeidig iahr Bruada woar. Weng sei vuin Affean woar se meist saua af iahn, midm Kompf zwischn eana hom se de oidn Griachn unta ondam monche Natuakatastrophn eakleat.
Kinda vo de zwoa woarn z. B. Hephaistos, Ares und Hebe.
Attribute vo da Hera san zum Beispui da Granatopfe ois Zeichn vo da Fruchtboakeit und a Szepta fia iahn Herrschoftsonspruch.
