Ho-Chi-Minh-Pfad

Region voum Ho-Chi-Minh-Pfad z Siad-Laos 1967

Da Ho-Chi-Minh-Pfad (Đường mòn Hồ Chí Minh) isa logistischs Netz aus Strossn und Wegal gwen, der vo Noad - no Sidvietnam gfiat hod und zan Tei aa duach andare Lända, Laos und Kambodscha ganga is. Scho im Indochinagriag is da Pfad gnuzt woan. Im Vietnamgriag hodma den Pfad haubdsechle za Untastizung fia de im Siidn kämbfadn Vietcong gnuzt kod.

Da Pfad is nom noadvietnamäsischn Bresidentn Hồ Chí Minh gnennd gwen, owa so hod ma grod im Westn gsogt. Fiad Vietnamäsn hoda Đường Trường Sơn (Truong-Son-Stroß), no da Gebiagskettn Truong Son gnennd, koassn.

De Strossn hand untaschiadle dabaut gwen, grousse fesde fia LKW zan fon und gloane Fuas und Raalweg. Jen Dog san iwan Pfad mera hundat Tonna Materioi gschleist woan, obwoi da Ho Chi Minh Pfad odauand vo US- Kambfflugzeig (Operation Rolling Thunder) bombadiad woan is. Drum is da Pfad aa oiwei mera in de Nachbarlända Laos und Kambodscha nei gruckt, de offiziäi Neidral gwen hand.

Foigle hom d Amerikana den Pfad a ned mid Boontruppm ogreifa deafa, owa am 11. November 1968 woitns mid da Huif voum neidraln Laos "Operation Commando Hunt" , den Pfad middls Bombadiarung duachlechan. Owa des hod ea nix brochd, da Pfad is weid vozweigt und vo da Natua vasteckt gwen, is wos hie gwen no sans oafach andare Weg ganga gwen.

Dano is de Gegand uman Ho-Chi-Minh-Pfad, voa Bombadiarunga zeaschd mim Entlaubungsmiddl Agent Orange ogschbrizt woan.

Im Netz