Des I. Königlich Boarische Armee-Korps vo da Boarischn Armee is im Joar 1869 z Minga ois Generalkommando (Hauptquartier) fia Oidbayern aufgstellt worn.
1869 - End vom Easchtn Wejdkriag:
| Vorname, Name | Kommandeur von bis |
|---|---|
| General der Infanterie Ludwig von und zu der Tann-Rathsamhausen (* 18. Juni 1815; † 26. Aprui 1881) | 1869 - 1881 |
| General der Infanterie Karl Freiherr von Horn (* 15. Dezember 1818; † 14. September 1896) | 1881 - 1887 |
| General der Infanterie Prinz Leopold vo Bayern (* 9. Feba 1846; † 28. September 1930) | 1887 - 1892 |
| Generaloberst der Infanterie Prinz Arnulf vo Bayern (* 6. Juli 1862; † 12. November 1906) | 1892 - 1906 |
| Generaloberst der Infanterie Prinz Rupprecht vo Bayern | 1906 - 1913 |
| General der Infanterie Oskar Ritter von Xylander (* 16. Jenna 1856; † 22. Mai 1940) | 1913 - 19. Juni 1918 |
| Generalleutnant Nikolaus Ritter von Endres (* 25. Oktober 1862; † 23. September 1938) | 23. Juni 1918 - End vom Kriag (ois Korps-Fira) |
Noch'm valurn Kriag genga de Preißn 1866 hod Bayern noch da Boarischen Heeresreform, in dea des Boarische Heer nach preißischm Vorbuid nei aufbaut worn is, des I. Armee-Korps in Minga aufgestellt.
Es woa da IV. Armee-Inspektion unterstellt.
Dem I. Armee-Korps sand mit Stand: 1. August 1914 unterstandn:
Kriagsgliederung, Stand: 2. August 1914:
De Korpstruppen habm bestanden aus:
Des I. Armee- Korps is untam General von der Tann im Kriag genga de Franzosn 1870/1871 dabei g'wen.
Am Ofang vom Ersten Wejdkriag is des I. Korps da 6. Armee untam Oberbefehl vom Kronprinzen Rupprecht unterstellt g'wen. Aufmarschiert is westlich von Saarburg. Da sidliche Nachbar, de 7. Armee, hod am 9. Augsut 1914 g'meld, dass se hintad an Eibruch vo de Franzosen habn, und hod um Huif bitt'. Do hod da Kronprinz Rupprecht dem Korps den Befehl gebn, dass des I. Armee-Korps mit alle Truppen, de eam momantan zua Vafigung stenan, weita auf St. Die vorganga wead. Daweil is des Korps no ned amoi oisamt ausglodn g'wen, de Kolonna fian Munitions- und Menage-Nachschub sand aa no ned okemma. Am 10. August 1914 is des Korps bis vor Badeonviller vorg'ruckt. Noch an Tag Rua hods weida ogriffa und Badonviller eig'nomma. Wenga de ibamachtigen Franzosn is des Korps am 12. August 1914 wieda auf Saarburg zruckg'nomma worn. Am 16. August 1914 iss in Saarburg okemma und is na ois Reservn vo da 6. Armee eigsetzt g'wen. In da Schlacht in Lothringen am 20. August 1914 is des I. Armee-Korps da 7. Armee untastellt g'wen und is vo Saarburg aus noch Sidn zum Ogriff auf des VIII. und XIII. französische Armeekorps (1. französische Armee) otretn. Ois alloanig siegreichs Korps iss bis auf d'Nacht an den Rhein-Marne-Kanal vorgsteßn. Am 5. September 1914 hod des I. Armee-Korps in am Fuaßmarsch nach Péronne valegt und hod sidlich davo ois a Korps vo da nei aufgstelltn 7. Armee in Belgien zum Angriff an. Mitte/Ende September 1914 is aa de 6. Armee umgliedert worn, so dass des I. Armee-Korps wieda unterm Kommando vom Kronprinzen Rupprecht gstanden is. Am 23. September 1914 hod des Korps scho wieda ins Gfecht vor Péronne gworfn wern miaßn, obwois no gor ned alle Leidl beinand g'habt hod. Am nextn Dog is iba de Somme niba kemma, hod aba an Ogriff abblosn und si genga de Ogriff vo ibalegne Franzosn wehrn miaßn. Des Korps hod si bei Péronne eigrobn und is dortn im Stellungskriag bis Oktober 1915 vabliem.
Am 11. Oktober 1915 habn zwoa französische Armeekorps in da Herbstschlacht vo La Bassée - Arras (23. September bis 13. Oktober 1915) probiert, des mit da Division von Hartz verstärkte Armee-Korps im Obschnitt Givenchy bis Thélus zum daschlogn. Aba da französische Ogriff is scho vor de boarischen Stellung zambrocha, de paar in de Grobn neikemman Franzosen sand an Ort und Stell niederg'macht worn.
In da Schlacht um Verdun im Jahr 1916 hod des Korps am 22. Mai 1916 an Eibruch vo de Franzosn bei Douaumomt obgriegelt und hod noch an schneidigen Gegenogriff de oiden Stellunga wieda zruckerobern kenna. Bis zum 23. Juni 1916 hod des Korps scho 5.000 Mann verloren g'habt und hod verstärkt werdn miaßn. Obwoi alle Truppenteile zamgfasst worn sand, hod ois nix ghoifa, da Ogriff auf Fleury und de Wabengräbn is im Feia von de Franzosn stecka bliabn. Ma hods dort nomoi probiert, aba s'Korps war nimma dabei. Am 2. September 1916 is des Korps aus da Front rausglöst worn. Bis dohi hods im Joar 1916 367 Offiziere und ummera 15.000 Mann valorn.
In da Schlacht an der Somme (1. Juli - 18. November 1916) hod si des Korps in seine Stellunga beiderseits und in Sailly genga de Ogriffe vo de Franzosn und Britn hoidn kenna.
Im Juli 1918 is des Korps Mitte Juli 1918 zua Ogriffsschlacht in da Champagne otretn. Am 23. Juli 1918 iss noch Courville und Crugny valegt worn. Dabei hod des Armee-Korps, nachdem de 14. Infanterie-Division aufgriebn worn is, no an broadn Eibruch vo de Britn obriegeln miaßn. Am End vom August 1918 hod si des Korps dauernd im Kampf stead hinter de Somme abgsetzt.