Der Artikl is im Dialekt Tirolarisch (Untalond) gschriem worn. |
Kufstoa Kufstein | ||
| ||
Basisdatn | ||
---|---|---|
Bundeslond: | Tiroi | |
Flächn: | 39,37 km² | |
Koordinatn: | Koordinaten: 47° 35' N, 12° 10' O 47° 35' N, 12° 10' O | |
Höhe: | 504 m i. A. | |
Inwoner: | 19.930 | |
Bevölkerungsdichtn: | 506 Inwoner pro km² | |
Sunschtige Datn | ||
Poschtloatzol: | 6330 | |
Vurwol: | 05372 | |
Gmeindevawoltung: | Unterer Stadtplatz 22 6330 Kufstoa | |
Websaitn: | ||
Politik | ||
Birgermoaschter: | Martin Krumschnabel (Die Parteifreien) | |
Loge vun da Bezirkshauptstådt Kufstoa Kufstein | ||
Kufstoa (åmtlich: Kufstein) is a Stådtgmoa in Tiroi, knåpp a da Grenzn zum Freistååt Bayern, und is da Vawåitungssitz vom Bezirk Kufstoa. Sie ligg im Untainntoi und is mid 19.930 Einwohnan (01.01.2023) de zwoatgrässte Stådt vo Tiroi hinta da Låndeshauptstådt Innschbrugg.
De Stådt ligg auf åi zwoa Seitn vom Inn auf knåpp 500 Meta üwan Mea. Z'findtn is' am Ausgång vom alpinen Inntåi und is gråd a påår Kilometa wekk vom boarischn Åipnvoalånd.
Im Stådtgebiet gehn an Haufn Bäch in an Inn eini, wia zum Beispüü de Weißåchn, im Sidn da Kaisabåch, da Mitterndorfabåch, da Kienbåch und da Kreizbåch.
Kufstoa låsst si in fünf Stådttoala gliedan:
Ebbs, Ellmau, Kiefasfödn, Kirchdorf in Tiroi, Långkåmpfn, Scheffau am Wüdn Kaisa, Schwoich, Söll, Thiasee
In Kufstoa lem deazeit meara wia 19.000 Menschn und zwischn 1991 und 2001 is de Bevölkarung um 14 % gstiing, deazeit um etwa 1 % jealich. Im Groaßraum Kufstoa lem rund 45.000 Menschn.
In Kufstoa wead a westmiddlboarischa Dialekt gsprochn, dea si relativ stårch vom Innschbrugga Dialekt untascheidet.
As Kufstoaliad, des im Jåhr 1947 vom Karl Ganzer gschrim woan is, is as wödweit meistgsunngenne und as meistvakaffte Volksliad. As Liad håt da Stådt an Nåm Di Peale Tirouls gem und am Inn dåå an Beinåm Da greane Inn.
Da FC Kufstoa spüüt in da Regionalliga. Die Sport-Union Kufstein Vikings san 2002 und 2004 Moasta in da Austrian Baseball League woan. Die HC Kufstein-Dragons spüün in da Tirola Elite-Liga.
In da Kufstoa-Arena findet jäalich da Generalie Bambini Cup stått, zu dem vüü Nåchwuchs-Tennisspüüa aus da gånzn Wöd kemman.
2005 und 2007 wår Kufstoa a Etappnzüü da Deitschlånd Tour.
Vüü Lokale gibs vom Båhnhof üba an Unteren und Oberen Stådtplåtz bis zum Franz Josefs Plåtz und zua Georg Pirmoser-Stråss. Am neadlichn Stådtende in Sparchen und Eichelwang gibs a einige Lokale.
Kufstoa håt auf da A12 Inntåiautobåhn zwoa Ånschlussstöön (Kufstoa Noad und Kufstoa Süd). Die A12 fiat vo Rosnheim bis in Tirola Obainntåi. Die B171 fiat ebenfois durch Kufstoa.
Da Stådtbus Kufstoa wead vo de Stådtweake Kufstoa und vo da Firma Achhorner betriem. Es vakeahn drei Linien im 20-Minutn-Takt. Außadem is Kufstoa a Ausgångspunkt vo vüü Regionalbuslinien in de Umgebung.
Da Båhnhof Kufstoa is da deitsch/estareichische Grenzbåhnhof da Westbåhn und håt a Fåhrgastaufkommen vo 5.000 Reisendn pro Tåg. Vo eam geht a de Untainntåibåhn Kufstoa - Innschbrugg aus und di wichtige Streckn Minga-Innschbrugg-Verona durchqueat an Båhnhof.
Fi 2012 is de Arrichtung vo a Båhnstation Kufstoa Süd g'plant.
Im Summa findet de Innschifffåhrt zwischn Kufstoa und Obaauddorf stått.
Wenig außahåib da Stadt gibs an Flugplåtz Kufstoa-Långkåmpfn (LOIK), vo dem voa ållem Seglfliaga startn.
Im Stådtgebiet gibs folgende Bruggn iwan Inn: