Legio III Italica

Der Artikl is im Dialekt Owaöstareichisch gschriem worn.
Datei:Antoninianus Gallienus 260-leg 3 Italiumajpg
A Antoninianus dea untam Gallienus im Joa 260 bregt fia d drite italische Legion woan is. Auf da rechtn Seitn siagt ma in Schdoach, s Legionssimbol fu da III Italica und es schded "VI Pia, VI Fidelis" (6 Moi blichtbewust, 6 Moi drai/loijal)

D Legio III Italica (drite italische Legion) woa a römische Legion, de fum Kaisa Marcus Aurelius im Joa 165 noch Grisdus gemainsaum mid da Legio II Italica in Italien ausghom woan is, zu ana Zeid wo s römische Reich glaichzeitig am Limes in Geamanien, an da Donau geng de Markomanen und im Ostn geng de Partha im Griag woa. D drite italische woa baim Markomanen-Griag an da Donau dabai und hod schbeda d Grenz fum remischnReich in da Brovinz Raetia II bewocht und s Hauptquartia in Castra Regina (Rengschburg) ghobt.

Gschicht

[Werkeln | Am Gwëntext werkeln]
D Porta Praetoria fum remischnLoga in Castra Regina
D Schüd-Foam fu da Tertiani Italica, da Comitatensis Legion de aus da III Italica entschdaundn is.

Markomanen-Griag fum Marcus Aurelius

[Werkeln | Am Gwëntext werkeln]

Glai nochdem d drite italische Legion grindd woan is, han im Joa 166 de Markomanen iwa d Donau ins römische Reich aigfoin und haum de Brovinz Noricum und Pannonien fawüst. Da Kaisa Marcus Aurelius hod mid mearane Legionen de Gengofensifn gschdart, de in da Gschicht ois Markomanen-Griag bekaunt is. Unta seim Befö han d Legio III Italica sowia de II Italica und de I Adiutrix an de Donau zong und haum de Markomanen zruk drengt. Da Marcus Aurelius hod de meara Zeid fu seina Regentschoft an da Donau in Carnuntum fabrocht und is im Joa 180 woaschainli sogoa doat in da Gegend in Vindobona, im heiting Wean, gschdoam.

Untam Septimus Severus

[Werkeln | Am Gwëntext werkeln]

Im Biagagriag fum Joa 193 hod d Legio III Italica in Septimus Severus untaschdizt und eam ghoifn seine Gegna zan schlong, zeascht in Pertinax und in Didius Julianus, daun in Pescennius Niger und in Clodius Albinus. In deara Zeid woa de drite italische Legion waid weg fu da Donau, in Italien und im Ostn fum remischnReich.De Loijalidet zan Kaisa hod si a noch n Dod fum Septimus Severus ghoidn und d Legio III Italica hod fia sein Nochfoiga in Caracalla in seim Födzug geng de Alamannen im Joa 213 kempft.

Im 3. Joahundat

[Werkeln | Am Gwëntext werkeln]

Said da kuazn Regentschoft fum jungen Kaisa Gordianus III., dea nochn Dod fum Maximinus Thrax ois 13jariga remischa Kaisa woan is, hod de drite italische Legion in Bainaumen Gordiania draung. Wos owa do genau dafia da Grund woa und wo de Legion fuan Gordianus III. aigrifn oda kempft hod woas ma ned. Es kaun owa sei das de Legion in dea Zeid gauns im Ostn baim Födzug fum Gordianus III. geng des Sassanidn Reich gfiad hod (243-244).

Danoch woa d Legio III Italica auf jedn Foi wida in Rengschbuag und woa doat in de faschidanen Mochtkemp involviad de im 3. Joahundat oft fu de mechding und schdoakn Donaulegionen entschidn woan san. Ma woas dass fian Gallienus geng sein Rivaln in Postumus kempft hod und des weng in Eantitl VI Pia VI Fidelis griagt hod, wos so fü wia "6 Mo blichtbewust, 6 Moi drai" hoast. Schbeda hod is sogoa VII Pia VII Fidelis draus woan. Ma woas a das d III Italica im Joa 273 baim Födzug fum Kaisa Aurelianus geng de Königin Zenobia im Ostn fum Reich dabai woan, obwoi s Hauptquartia oiwai in Rengschbuag blim is.

Am End fum Römischn Reich

[Werkeln | Am Gwëntext werkeln]

De drite italische Legion wiad a am End fum 4. Joahundat nu ois Tei fu da remischnSchdraidmocht an da Donau fu de Beleg aufglist. In deara Zeid woa s owa koa komplete Legion mea sondan neta a comitatensis Ainheit, de im Hintalaund fum Limes schdazioniad woa. Dano woas ma laida neama recht fü wos aus ia woan is und wo s aufglest woan is oda im Kaumpf unta gaunga is.

Schau aa

[Werkeln | Am Gwëntext werkeln]

Beleg

[Werkeln | Am Gwëntext werkeln]