Marais Poitevin

Da Marais Poitevin is a Sumpfregion om Goif vo Poitou on da franzesischn Westgstod neadli vo La Rochelle. Ea buidd de Grenz zwischn de historischn franzesischn Provinzn Aunis und Poitou. Weng seina Kanäj wead da feichde Tei Venise Verte, as greane Venedig, gnennd.

Gschicht

[Werkeln | Am Gwëntext werkeln]

Ofongs woa's Gebiet vom Meea iwafluadd. Nochdem se des noch und noch zruckzong ghod hod, is a sumpfige Landschoft iwrig bliem. Ob'm 11. Joarhundad is vo de Menche vo de umliengdn Klesta (Maillezais, Saint-Pierre-le-Vieux, l'Absie, Saint-Maixent, Moreilles) ogfongd worn, as Gebiet mid seina fruchtboan Eadn landwiatschoftli nuzboa z mochn. Dozua is's Land mid Huif vo Kanäjn und Deichn in an Fluss Sèvre Niortaise entwassad worn; in da Foig sa in dena trocknglegdn Tein de easchtn landwiatschaftlichn Parzejn entstondn. Unta Heinrich IV. san de Oabatn intensiviad worn; diesa hod aa Hollända hinzua ghoid.

Heit eastreckd se da Marais Poitevin iwa ungfeah 100.000 Hektar (in drei Départements: Vendée, Deux-Sèvres und Charente-Maritime). Sei beidn Bstondteie, da trocknglegde und da feichde Marais (as Venise Verte) beleng 70 % bzw. 30 % vo da Gsomtfläch.

Im Netz

[Werkeln | Am Gwëntext werkeln]
 Commons: Marais Poitevin – Oibum mit Buidl, Videos und Audiodateien

Koordinaten: 46° 20′ N, 0° 40′ W