OLIVIA | |
---|---|
Zua Person | |
Geburtsnama | Olivia Lufkin |
Geburtsdatum | 9. Dezemba 1979 |
Musikrichtung | vaschiedne |
Label | avex trax (1996 - 2000) cutting edge (seid 2000) |
D OLIVIA (eigntli: Olivia Lufkin, * 9. Dezemba 1979, in Okinawa, Japan) is a japanische Sängarin. Sie is die Tochter vu am Amerikaner und ana Japanerin. Ihr Schwester Carolin Lufkin is aa a Sängarin.
D Olivia is af d'Okinawa Actors School ganga und is dort entdeckt worn. Sie houd bei Avex Trax ajs Mitglied vu da Girlbänd D&D untaschriem. 1998 is bei dera Bänd ausgstieng und houd ihr Solokarrier gstartet. Ihr easchte Single I.L.Y.~Yokubou, wou 1999 erschiena is, houd an ganz an andern Stil ghabt ajs zu dem Zeitn bei D&D. D'Musik houd a sterkan Rocksound ghabt. Seit ihre drittn Single Dear Angel schreibt d'Olivia ihre Lieda söüwa. Nouch ihre easchtn sechs Singles, olle mit Pop-Rock oda Alternitiv-Sound, is am End vu 2000 ihr easchts Ajbum 'synchronicity erschiena. 2001 und 2002 houd s' zwoa neie Singles rausbroucht.
2003 houd s' vu Avex Trax zu ihrm heidign Lable cutting edge gwechslt. In dem Joar houds vier Miniajbm vaeffntlicht, bis 2004 ihr zwoats Ajbum The Lost Lolli rauskumma is. 2005 houd s' die meiste Zeit ajs Model und Designerin g'award, und is u. a. beim „Hollywood of the Living Dead“ aftretn, wos vum Hyde organisiert worn is. 2006 houd s' die Single a little pain untam Nama OLIVIA inspi' REIRA (TRAPNEST) rausbroucht. Des Lied wor as Ending vum Anime zum Kultmanga Nana vu da Ai Yazawa. Zum easchtn Maj is a Single vu ihra die Top 10 vu de Oricon-Charts kumma. Ihr Miniajbum The Cloudy Dreamer is Anfang 2004 af Platz 15 in de Oricon-Weekly-Charts kumma und wor aso ihr bisher bestplatzierts Ajbum.