Obaitalien

45.510.5Koordinaten: 45° 30′ N, 10° 30′ O

Obaitalien

Obaitalien oda Noaditalien (dt.: Oberitalien oda Norditalien, (italienisch: Nord Italia, Alta Italia oda Italia settentrionale, Settentrione) is a neadliche Tei vo Italien, on den sidli Middlitalien oschliaßd.

Geografie

Geografisch eastreckd se Noaditalien vo da Gstod vo da Adria im Ostn iwa de Ebenen vom Po, im Noadn und Westn de Oipn naff meisd bis on an Oipnhaptkomm und im Sidn in an Apennin. Im Westn grenzd Frankreich, im Noadn de Schweiz und Östareich, im Ostn Slowenien, und im Sidostn San Marino on Noaditalien.

Obaitalien umfosst drei Landschoftsraime:

de Italienischn Oipnb, des san Antei vo Italien on de Westoipn und de Sidoipn, eihschliaßli vo da Ligurische Gstod (Riviera)
de Noaditalienische Tiafebene, des umfossd ois Groußtei de Po-Ebene (Pianura padana), und im Ostn de Gstodebenen vom: Veneto, vom Friaul und da Romagna on da Oban Adria (sidlichs Oipnvoaland und neadlichs Apenninvoaland)
de Apennin-Noadobdochung, des umfosst Tei vom Ligurischn Apennin (Appennino ligure) und Toskanisch-Emilianischn Apennin (Appennino tosco-emiliano)

Afn Oipnraum, zu dem aa da Mont Blanc on da franzesischn Grenz ghead, ko se da Ausdruck Obaitalien aa beziang, jedoch nehma de Tiaflända ois greßde Tiafebene vo Italien und Sideiropa de hoibe Fläch vo Noaditalien eih. Wia beim Ausdruck „Obare“ Adria is do owa primea „Noadn“ gmoand.

Amtliche Statistikn untatein Noaditalien in de zwoa Makroregiona Noadwestitalien und Noadostitalien.

Noadwestitalien (Noad-Ovest), NUTS-Code ITC, ISTAT NO: Aostatal, Piemont, Lombardei, Ligurien
Noadostitalien (Noad-Est), NUTS-Code ITD, ISTAT NE: Friaul-Julisch Venetien, Venetien, Trentino-Sidtiroul, Emilia-Romagna

Gschicht und Wiatschoft

In da Antike hods in Noaditalien ondas ois in Siditalien kaum griachische Kolonisazion gem. Fias Remische Reich woa Noaditalien znächsd Gallia cisalpina. Seitm Middlloita wead Noaditalien vo bemerknsweatn Handlsstädt prägd, de se ausgehnd vom Veronesa Bund im Lombardenbund geng Kaisa Barbarossa zammgschlossn hom. In jena Epoche san in Noaditalien oanige Grundlong vo da Betriebswiatschoftsleah und vom Bankwesen, wia de doppede Buachfiahrung easchoffn worn.

De Groußregion guid ois s Heaz vo da italienischn Wiatschoft. Ums Joar 2010 hods olladings beim Bruttoinlandsprodukt pro Kopf koan Grenzvalaff zwischn Noaditalien und Middlitalien gem, sondan zwischn Regiona in Noaditalien greßare Untaschiede ois in Middlitalien und Siditalien.^[1]

Schau aa

Beleg

↑ Ralph Bollmann: Wie eine Währungsunion Italiens Süden verarmen ließ. Frankfurter Allgemeine Zeitung. 22. Septemba 2012. Abgerufen am 14. Septemba 2014.

[1] Ralph Bollmann: Wie eine Währungsunion Italiens Süden verarmen ließ. Frankfurter Allgemeine Zeitung. 22. Septemba 2012. Abgerufen am 14. Septemba 2014.

[1]