Ombrone Pistoiese
| Ombrone Pistoiese | ||
 Log vom Ombrone Pistoiese | ||
| Datn | ||
|---|---|---|
| Log | Region Toskana, Italien | |
| Flusssystem | Arno (Tyrrhenischs Meea)/Arno | |
| Obfluss iwa | Arno → Tyrrhenisches Meea | |
| Flussgebietsoanheid | Appennino Settentrionale | |
| Quäin | Pistoia, uma 1 km noadestli vom Ortstei Sammommè 44° 2′ 29″ N, 10° 55′ 22″ O | |
| Mindung | In Carmignano (Ortstei Stazione) in an ArnoKoordinaten: 43° 46′ 35″ N, 11° 3′ 54″ O 43° 46′ 35″ N, 11° 3′ 54″ O | |
| Läng | 42 km[1]
| |
| Linke Nebnfliss | Fosso di Iolo, Bardena | |
| Rechte Nebnfliss | Vincio di Brandeglio, Vincio di Montagnana, Stella, Furba | |
| Grousstädt | Prato | |
| Middlstädt | Pistoia | |
| Kloastädt | Agliana, Quarrata, Campi Bisenzio, Signa | |
| Gmoana | Poggio a Caiano, Carmignano | |
 Da Ombrone Pistoiese bei Poggio a Caiano | ||
Da Ombrone Pistoiese is a Fluss mid 42 km Läng in Italien in da Region Toskana. Ea duachlafft de Provinzn Pistoia und Prato sowia de Metropolitanstod Florenz vo Noad noch Sid.
Valauf
[Werkeln | Am Gwëntext werkeln]Da Ombrone Pistoiese entspringt im neadlichn Gmoagebiet vo Pistoia uma 1 km noadestli vom Ortstei Sammommè (da Ortstei liegt bei 555 Hähnmeta)[2] nohe'm Gebiagsposs Passo della Porretta (aa Passo della Collina gnennt)[3]. Uma 3 km noadwestli vo Pistoia tritt vo rechts da Nemfluss Vincio di Brandeglio eih. Donoch valaffta westli vo da Stod Pistoia noch Sidn. Sidwestli vo Pistoia im Ortstei Pontelungo fliaßt vo Westn da Vincio di Montagnana zua, donn untafliaßta de Autostrada A11. Im Ortsgebiet vo Pistoia vabringt da Fluss insgsomt 22 km[1], bevoara Ferruccia (Ortstei vo Agliana) duachfliaßt. Da Fluss valafft donn zwischn de Orte Agliana und Quarrata estli vom Beag Monte Albano, wobei ea im estlichn Gmoagebiet vo Quarrata de Grenz zu Prato und somid aa zwischn de Provinzn Pistoia und Prato doastejt.
In da Provinz Prato tritt neadli vo Poggetto (neadlicha Ortstei vo Poggio a Caiano) vo links eascht da Iolo aus Iolo kemand (westlicha Ortstei vo Prato) und vo rechts da Nemfluss Stella (aus Serravalle Pistoiese kemand) eih, donn noh vo da Bruck Ponte a Tigliano da Nemfluss Furba (emfois vo rechts). Zwischn Poggetto und Poggio a Caiano passiat ea de 1833 vo Alessandro Manetti earichte Bruck Ponte Leopoldo II (aa Ponte Manetti gnennt), de ois easchte in Italien earichte Hängebruck mid Eisnseijn guit und im August 1944 vo da se zruckziangdn Weahmocht zasteat worn is.[4] Da Ombrone umfliaßt jetzt estli an Ort Poggio a Caiano und passiat de Bruck Ponte del Molino (Via Roma) und weida sidli de Ponte all’Asse (Via Vittorio Emanuele, beide Bruckn emfois 1944 zasteat und spada wieda afbaut), kuaz dohinta werd'a zum Grenzfluss vo da Provinz Prato und da Metropolitanstod Florenz, wo ea kuaz des Gmoagebiet vo Campi Bisenzio[1] beriaht und donn fia 3 km[1] ois Grenz zwischn Signa (FI) und Carmignano (PO) fungiat. Im Ortstei Stazione (Carmignano) fliaßt'a ois rechta Nemfluss in an Arno eih.
Buida
[Werkeln | Am Gwëntext werkeln]-
De Bruck Ponte a Tigliano zwischn Poggetto und Ponte a Tigliano nohe Tavola (Ortstei vo Prato) -
De Reste vo da Bruck Ponte Leopoldo II am Ombrone Pistoiese -
De Bruck Ponte all’Asse zwischn Poggio a Caiano und Campi Bisenzio
Literatua
[Werkeln | Am Gwëntext werkeln]- Emanuele Repetti: Ombrone Pistojese. In Dizionario Geografico Fisico Storico della Toscana (1833–1846), Onlineausgabe der Universität Siena (pdf, ital.)
Im Netz
[Werkeln | Am Gwëntext werkeln]
Commons: Ombrone Pistoiese – Sammlung vo Buidl, Videos und Audiodateien- Offizielle Webseite des Sistema Informativo Ambientale della Regione Toscana (SIRA)
- Informationen zum Ombrone und Ombrone Pistoiese bei Enciclopedie on line (Treccani) (italienisch)
- Informationen zum Bacino Idrografico dell’Ombrone auf den Seiten der Gemeinde Pistoia (italienisch)
Beleg
[Werkeln | Am Gwëntext werkeln]- ↑ 1,0 1,1 1,2 1,3 vgl. SIRA
- ↑ Offizielle Webseite des ISTAT (Memento des Originals [1] vom 6. Dezémber 2016 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (Istituto Nazionale di Statistica) zu den Ortsteilen und Einwohnerzahlen 2001 in der Provinz Pistoia, obgruafs am 10. Dezembs 2012 (ital.)
- ↑ vgl. Enciclopedie on line (Treccani)
- ↑ Structurae zu der Ponte Leopoldo II
