Rome is a Martial-Folk Bänd aus Luxmburg. Rome is 2005 vum Jérôme Reuter gründt woan, dea woa damois Sänga und Schlågzeiga bei da unbolitischn Skinhead-Band The Skinflicks. Ãfãng 2008 is da damålige Co-Produzent, da Damiani Patrick fix zua Band dazuakéma. Wia Rome dãn ãgfãnd ham, dass an Neofolk spün, hams de Gruppn nu uman Nikos Mavridis ois Fiedla vasteakt.
2006 håm Rome an Vatrog mid Cold Meat Industry aus Schwedn kriagt und håm doat eana E.P. „Berlin“ (Juni 2006) und eanare Åibn „Nera“ (Nowemba 2006), „Confessions d’Un Voleur d’Ames“ (Aprü 2007) und „Masse Mensch Material“ (Meaz 2008) vaéffndlicht. 2009 sans dãn zua deitschn Plåttnfirma Trisol kéma, doat hams eana easchte Singl „To Die Among Strangers“ (Mai 2009) und s'Åibum dazua, wås „Flowers from Exile“ (Juni 2009) ghoassn hod, vaéffndlicht. Eana neichastes Åibum hoast „Nos Chants Perdus“ und is im Mai 2010 aussakéma.
Wias ãgfãngt ham, hod se eana Musi stoak nåch Post-Industrial und Elektropop ãghead. Seidn „Flowers from Exile“ Åibum spüns owa a Mischung ausn franzésischn Chanson und an amerikanischn Folk Noir. Söwa sågns zu eanara Musi „Chanson Noir“.