SPQR

S.P.Q.R.

SPQR, aa S.P.Q.R., is de Obkiazung fias Lateinische: Senatus Populusque Romanus („Senat und Voik vo Rom“).

Da Schriftzug woar's Hoheitszeichn vom antinkn Rom. Es is aa heit no im Woppm vo da ewign Stod z findn. De Legiona vom Remischn Reich hom in Schriftzug af eanan Standartn gfiat.

In S.P.Q.R. spiaglt se de Mochtvateilung in da remischn Republik vo da Aristokratie (Senat) und im Voik, boade san souverän. S.P.Q.R. steht damid ois Kiazl fia de republikanische Stootsform und fia Biagastoiz.

Satirische Nutzung

A satirische Interpretation vo S. P. Q. R. is „Sono Pazzi Questi Romani“, wo sovui hoasst wia: „De spinna, de Rema“. Dees is a beliabta Ausspruch vo da Comicfigur Obelix.

Literatua

• Dieter Janssen: Gerechte, heilige und zivilisatorische Kriege. Legitimation des Krieges und Bedeutung von Feindbildern in der angelsächsischen Welt der frühen Neuzeit, uma 1550–1650. Verlag Dr. Kovac, Hamburg 2004, ISBN 3-8300-1610-7.

Im Netz