SWIFT

Der Artikl is im Dialekt Obaboarisch gschriem worn.
Weidane Bedeitunga san unta Swift afgfiad.
Society for Worldwide Interbank Financial Telecommunication
SWIFT-Logo
Rechtsfoam SCRL (Sociétés coopératives à responsabilité limitée, Gnossenschaft z Belgien)
Grindung 1973
Siitz La Hulpe BejgienBejgien Bejgien
Loatung Gottfried Leibbrandt (Chief Executive Officer )
Branchn Finanzwesen
Hoamseitn www.swift.com


De SWIFT (Society for Worldwide Interbank Financial Telecommunication, 1973 grindd) is a internationale Gnossnschoft vo Gejdinstitutn, de wo a Telekommunikationsnetz (as SWIFT-Netz) fian Nochrichtenaustausch zwischn dena Mitgliedan betreibt. Iwa SWIFT laffa Dog fia Dog Finanztransaktionen mit am Volumen vo 6 Builliona Dollar. De Nochrichtn vo iwa 8000 Gejdinstitutn in mea ois 200 Ländan wean obgwickld und pro Dog duachschnittli 15 Muilliona SWIFT-Nochrichtn austauschd.

SWIFT-Code

[Werkeln | Am Gwëntext werkeln]

Da SWIFT-BIC (BIC is de Obkiazung fia Bank Identifier Code) wead aa oafoch BIC-Code oda SWIFT-Code gnennt, korrekt warad owa SWIFT-Adress oda BIC.

Des is a international standardisiata Code (ISO 9362), mit dem jeda teinehmende Partna eindeitig indentifiziat wean ko. Ea weat wejdweit vo Kreditinstitutn, Brokern, Logastejn und Firmen vawendd.

Da BIC oder SWIFT-Code hod a Läng vo 8 oda 11 alphanumerischn Zeichn und foigenden Afbau: 

 BBBBCCLLbbb

 BBBB  4-stelliga Bankcode, vom Gejdinstitut frei wejboa (nua Alphazeichn)
 CC    2-stelliga Ländacode noch ISO 3166-1 (nua Alphazeichn)
 LL    2-stellige Codiarung vom Ort (alphanumerische Zeichn; wanns zwoate
       Zeichn a 1 is, so handlt sa si um an passivn SWIFT-Teinehma;
       wanns zwoate Zeichn a 0 is, so handlt sa su um an Test-BIC)
 bbb   3-stellige Kennzeichnung (Branch-Code) vo da Filiale oda Obteilung (optional, 
       Standard: "XXX", ko wegglossn wean, andare Kennzeichn ned)
       (alphanumerische Zeichn)

Im Netz

[Werkeln | Am Gwëntext werkeln]