Shenango River
| Shenango River | ||
 Da Shenango River innahoib van Eihzugsgebiet van Beaver River | ||
| Datn | ||
|---|---|---|
| Gwassakennzoi | US: 1046180 | |
| Log | noadwestlicha Bundesstoot Pennsylvania USA | |
| Flusssystem | Mississippi River | |
| Obfluss iwa | Beaver River → Ohio River → Mississippi River → Goif vo Mexiko | |
| Uasprung | Ba Hartstown im westlichn zentroin Crawford County, Pennsylvania 41° 33′ 21″ N, 80° 25′ 41″ W | |
| Quäinhächn | 381 m[1] | |
| Mindung | Zammfluss mid'm Mahoning River; beide Fliss buidn an Beaver River ba New Castle, PennsylvaniaKoordinaten: 40° 57′ 29″ N, 80° 22′ 43″ W 40° 57′ 29″ N, 80° 22′ 43″ W | |
| Mindungshächn | 232 m[1] | |
| Hächnuntaschied | 149 m | |
| Läng | 161 km[2] | |
| Eizugsgegnd | 2.761 km²[2]
| |
| Linke Nebnfliss | Little Shenango River, Pymatuning Creek, Neshannock Creek | |
| Duachflossne Stausään | Pymatuning Reservoir, Shenango River Lake | |
Da Shenango River is a 161 km longa Fluss im westlichn US-Bundesstoot Pennsylvania. Ea buidd im Zammfluss mid'm Mahoning River an Beaver River. Da Obfluss eafoigd iwa'n Ohio River und'n Mississippi River in an Goif vo Mexiko. Da Mahoning River ghead zan Flusssystem van Mississippi und entwassad a Gebiet vo 2761 km². De Quej bfindd se ba da Ortschoft Hartstown im Crawford County, Pennsylvania.[2] Da Shenango River fliassd z'nexd in noadwestlicha Richtung in's 69,15 km² große Pymatuning Reservoir, wos 1934 duach'n Bau vo om Staudomm oglegd worn is. Da Sää liegd voistendig in zwoa gleinaming State Park, dean gmoasome Grenz identisch mid da Stootngrenz Pennsylvania/Ohio is. De Parkfläch zamm mid'm Gwassa bedrogd insgsomd 126 km² dovo entfoin 30 km² Land- und 55,5 km² Wossafläch af'n Pymatuning State Park (Pennsylvania) sowia 26,8 km² Land und 13,65 km² Wossafläch af'n Pymatuning State Park (Ohio).[3]
Untahoib van vom U.S. Army Corps of Engineers oglegdn Staudomm drahd da Flusslaff sidsidostweats ins Mercer County in Pennsylvania, bevoa ea noch Westn obbiagd. Kuaz voa da Stootsgrenz z Ohio is 1965 a zwoata Staudomm baud worn, dea's Wossa van Fluss zan 14,4 km² großn Shenango River Lake afstaud. Jenseits van Domm fliassd da Fluss znexd noch Sidwestn und kuaze Zeid duach's Stootsgebiet vo Ohio, bevoa ea noch Sidostn obbiagd. 5 km neadli vo da Stod New Castle vaoanigda se mid'm Mahoning River, um an Beaver River z buidn. De wichtigsdn Nemfliss van Shenango Rivers san: da Little Shenango River, da Pymatuning Creek und da Nehannock Creek.[2] 46 % van Eihzugsgebiet wead landwiatschoftli gnutzd, weahnd 40 % vo Woid und da Rest vo Wossa oda Feichtgebiete bedeckd is.[4]
Beleg
[Werkeln | Am Gwëntext werkeln]- ↑ 1,0 1,1 Google Earth Hähnlog fia GNIS-Koordinatn, obgruafa om 23. Juli 2010.
- ↑ 2,0 2,1 2,2 2,3 Shenango River im Geographic Names Information System vom United States Geological Survey
- ↑ Pymatuning State Park, obgruafa om 23. Juli 2010
- ↑ Shenango River (Memento des Originals [1] vom 2. Jénner 2011 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis., obgruafa om 23. Juli, 2010
Im Netz
[Werkeln | Am Gwëntext werkeln]
Commons: Shenango River – Sammlung vo Buidl, Videos und Audiodateien