Soot

Gugaruz Soot

Schnidd duach a tippischs Sootkeandl: a = Schoin, b = Endosperm, c = Kodyledon, d = Hypokotyl

Soot, Som oda Sama (dt.: Samen, engl.: seed), nennd ma de Embryos vo Pflanzna. A Sootkeandl hod ois wos brauchd, domid do aussa a Pflanzn entschtäh ko. Es bstähd noamoi aus da Schoin, an Embryo und en Essn fia eam (schau aa: Oa).

A Soot hom nua de Sootpflanzna. Moos und Farn zan Beischpui hom koa Soot.

Wias entschtähd

A Soot entschtähd, wonn a Oazejn vo ana Pflanzn duach Poinkeanl befruchtd wead. Aus da Oazejn wead nocha duach Zejteiung a Embryo. Da Embryo woxd owa ned weida, sondan woartd af bessare Zeidn, des hoassd bis olle Umwejdbedingunga stimma. Eascht donn woxd a wieda, treibd aus und wead za da Pflanzn.

Haptoatn

Ma untascheidd zwoa Haptoatn vo Soot:

• Bedecktsama (Angiospermae): De Soot liegd im Fruchtknopf (Karpell) und is vo da Fruchtwond umschlossn.
• Nockadsama (Gymnospermae): De Soot liegd frei.

Galerie

Es gibd an Haffa vaschiedne Foama vo da Soot.

• 
  Kastaniensoot
• 
  Millidistl
• 
  Millidistl Sootkeandl im Flug
• 
  Nosnzwigga vo da Ochn (dt.: Ahorn)
• 
  Bohnln

Im Netz

• The Seed Site: collecting, storing, sowing, germinating, and exchanging seeds, with pictures of seeds, seedpods and seedlings.
• Royal Holloway, University of London: The Seed Biology Place