Vohbuag an da Doana

Basisdotn
Bundesland:	Bayern
Regiarungsbeziak:	Obabayern
Landkroas:	Landkroas Pfahofa an da Uim
Hechn:	371 m ü. NHN
Flächn:	45,18 km2
Eihwohna:	8541 (31. Dez. 2020)
Bevökarungsdichtn:	189 Einwohner je km2
Postleitzoi:	85088
Voawoi:	08457
Autokennzeichn:	PAF
Gmoaschlissl:	09 1 86 158
Stodgliedarung:	12 Ortsteil
Address vo da; Stodvawoitung:	Ulrich-Steinberger-Platz 12; 85088 Vohbuag an da Doana; Vohburg an der Donau
Webseitn:	www.vohburg.de
Buagamoasta:	Martin Schmid (SPD)
Log vo da Stod Vohbuag an da Doana; Vohburg an der Donau im Landkroas Pfahofa an da Uim
	Karte

Vohbuag an da Doana (amtli: Vohburg a.d.Donau) is a Stod im Obaboarischn Landkroas Pfahofa an da Uim. De Stod ligd an da neadlichn Grenz vom Landkroas und damid aa an da Grenz zua Holledau. Nachbagmoana han im Noadn Pfiaring, Grousmearing und Obadolling, im Sidn Minsta, Geisnfeid und Manching.

Geografische Log

De Stod ligt 15 km estlich vo Inglstod an da Doana. Des Stodgebiet umfasst im Noadn an Teil vom Jura, zum Hauptteil as Doanadoi und ganz im Sidn no a bissl wos vom Tertiär-Higlland. Wei duach de Stod d´Doana, d´gloa Doana, d´Ejm und d´Paar laffa, weads a manchmoi ois via-Fliss-Stod bezeichnad.

Oadsteile

Vohbuag hod zwejf Oadsteile, des han: Owa- und Unddahoadam, Owadinzing und Dinzing, Mening, Auhef, Iasching, Knodorf, Roggling mid da Hefadsmej und Haragga

Vo de Bewohna weads a no innahoi vo de einglichn Schdoodgrenzn unddateilt, und zwoa in d`Au (wead a Gebiag gnennd), d`Beizn, an Marktblòz und as Grias. Fast jeda vo de Oadsteile (aa vo de inoffizielln) hod an oagna Maibaam.

Gschichd

Da Buagbeag wor scho in da Bronzezeid besiedld, des hod ma duach Funde vom Buagbeag fesdgschdejd. As easchde moi iss im Joa 895 eawänd woan, desweng hom de Vohburger 1996 de 1100-Joarige Gschichd vo eanara Stod gfeiad. Ab 1081 hod de de Buag de Diaboidinga ghead. Im Joa 1204 iss in de Hendd vô de Wittlsbacha kemma. Vohbuag is dreimoi zaschdead woan, und zwoa 1105, 1316 und 1641. Daduach hods sei wichdige Schdellung im Middloita valoan. Easchd 1952 iss wida zua Stod eahom woan. Heidz´dog hods iwa simdausnd Einwohna.

Sengswiadigkeitn

Do waan voa oim as Gloadoana-Toa und d´ehmalige Andreaskira, as heiddige Rothaus zum eawehna. Im Buagtoa afm Beag hängt as ejddasde Boarische Wappm vo 1477 an da Wendd. Aussadem gits a sunst um an Buagberg rum an Haffa zum Seng.

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

Im Netz

Commons: Vohburg an der Donau – Sammlung vo Buidl, Videos und Audiodateien

Die Offizielle Seite der Stadt
Vohbuag an da Doana: Woppmgschicht vom Haus der Bayerischen Geschichte
Vohbuag an da Doana: Amtliche Statistik vom Bayerisches Landesamt für Statistik und Datenverarbeitung (LStDV)

Städt und Gmoana im Landkroas Pfahofa an da Uim

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

[1]